Ndai mabyin gaw, shi a mara prat hpe tawn kau na matu, shi a madu jan kaw nna shadut hkrum ai, n tara ai asuya magam gun langai a lam hpe tsun dan ai lam re. Dai n hkru n kaja ai du wa hpe, shi a madu jan gaw tsun shadum ai raitim, shi hpe atsin sha nga na matu tsun ai, shi a myit marin ai myit a asi hpe hkam sha na hpe, kadai mung n chye na na re. Shi a n san seng ai sutgan ni hpe shaning law law pyaw pyaw nga ngut ai hpang, hpang jahtum shi hpe rim la nna, shi a prat tup htawng jahkrat kau ai hkrum sha sai.

Yubak mara gaw anhte hpe hpa galaw shangun ai kun? Anhte hpe n hkru n kaja ai hta lai nna kaga hpa mung n jaw ai! Raitim kalang lang, yubak mara a hkrit tsang hpa asi gaw kalang ta n’du n’pru wa ai majaw, anhte hpe kabu gara na matu gunglau hkrum ga ai—hkam la na aten du wa ai aten du hkra, Karai Kasang hte mung shawa ari jaw ai lam lahkawng yan hpe anhte a ntsa e ru jaw ai aten du hkra ndum shami rai pyaw nga chye ga ai.

Yubak lam ni gaw n’htang jaw ai. Anhte gaw aten kadun (sh) aten galu laman dai ni hpe pyaw pyaw rai nga lu tim, hpang jahtum e ari jaw ai lam gaw anhte a ntsa e du wa sha rai nga ai. Yubak hta lup bang nna hpa akyu n lu la na hpe chye na ra ai.

Dai majaw, anhte galaw shut kau sai mara law law hte seng nna, tinang hkum tinang san jep yu ga. Mai byin yang ndai mara ni hpe white paper (sh) san seng ai laika pa hta ka da ga. Bai nna, ka ngut ai hpang, anhte hpe dai daram na hkra zingri zingrat da ai yubak mara langai hpra hpe, dai zawn bai n galaw na ngu ai Karai Kasang hpe ga sadi jaw let, ta tut shakut sa ga.

Ndai lam gaw ya anhte a myit malai lu na matu, n’nan bai gram lajang na matu, Yesu hte anhte hkra machyi shangun ai ni hte htinglu htinglai lam lu na matu anhte a shawng nnan na lahkam langai mi tai wa na re .