Daini na Ja Chyum Mungga hpe hti sumru yu ai shaloi e, , kabu gara shiga hpe myit grit nem ai ni hkap la ma ai. Bai sumnung shingdi ai Hkristu a lam hpe mung na la lu ga ai. Dai ni gaw Kahtawlik nawku hpung kaw nna, Si mat sai ni yawng hpe alak mi bai myit dum akyu hpyi ya ai poi ninghtoi shani rai nga mali ai. Dai hta n-ga, nawku hpung gaw, Si mat sai ni a matu akyu hpyi ya na matu, ndai November shata mi tup hpe mung  masat da ya sai rai nga ai. Dai hte maren anhte yawng hpe mung lani mi na aten hta si na re lam hpe sadi jaw shadum ya ai mung re.

Shut hpyit mara lu ai ni anhte Madu Yesu a Sai hte hkye hkrang la lu ai ni raitim, si mat ai shaloi e, san seng san pra ai ni byin wa hkra mara dan ni hkam ra ga ai. Dai mara dan kaw na a lawan lawt kawt lu na matu akyu hpyi ga ni ra nga ga ai. Bai anhte ni mung sai mat sai ni a matu, ja ja akyu hpyi ya nga na mung grai ra ahkyak nga ai. Akyu hpyi ya na mung lit lu nga ga ai hpe n mai malap ga ai. Dai majaw akyu hpyi ya ai. Missa hkungga daw jau ap nawng ya ai. Bai nna gam jaw gam ya ai. Lu sha gam ap nawng daw jau ya ai magam lam ni galaw ya ai shaloi, Ngarai kaji kaw nga ai wenyi ni lawan lawt lu nna, htani htana asak lu la na re. Dai sha n -ga, dai wenyi ni gaw, anhte yawng a matu bai akyu hpyi ya na ra ai.