Daini na Ja Chyum Mungga hpe hti sumru yu ai shaloi e  La shaw ai mara galaw nga ai num a lam na chye lu ga ai. Mara lu ai wa hpe hkungga let mara n je yang ya ai lam Madu Yesu a kam hpa na zawn re ai lai ladat ni hpe mu mada lu nga ai. Dai gaw mara galaw ai num sha shi a mara n kaba ai ngu tsun mayu ai lam gaw n re. Madu Karai Kasang yaw shada lam hte shinggyim masha ni a htang da ai lam ni gaw kaga ga n bung nga ai ngu ai hpe mu mada lu ga ai. Anhte shinggyim masha ni gaw mara lu ai ni hpe mara dan jaw nna sha myit malai lu nna, galai shai wa ai ngu myit sawn da nga ma ai.

Tsawra matsan dum lama chye ai lam hpe malap nga ma ai. Myen ga malai nga ai hta, masha gaw myit ningchyan shaw hkrang shapraw ai. Karai Kasang gaw, hpan da ai ngu ga malai nga ai. Bai ngai mung nang hpe tara n je ya sana re. Hpang kalang e nang mara bai hkum galaw sa ngu ai Madu Yesu a tsawra myit kaba la ai Ga hkaw ni hte galaw sa ai lai sat lawat ni a jaw e, ndai chyum mungga na Num sha hta, laklai ai, kaba dik ai galai shai ai lam ni hpe mu mada lu ga ai. Madu Yesu mung anhte a mara ni hpe mara raw dat ya ai. Galai shai shangun mayu nga ai. Ndai zawn re ai kaba la ai raw dat hkyamsa ya ai hpe hkam la let, anhte galaw ding yang rai nga ai. Tinang a mara langai ngai mi hpe sha pyi gram galai kau lu hkra shakut sa ga law.