Daini na Ja Chyum Mungga hpe hti sumru yu ai shaloi e, Yuda Iskarut Yesu hpe dut kau ai lam hte shalai wa ai poi a matu lajang shachyip ai lam hpe na chye lu ga ai. Daini na kabu gara shiga hta, Sut gan hpe ra marin ai majaw, Madu lata da ai kasa  prat kaw nna, Madu Karai hte tsan gang ai de hprawng hkawm mat ai Yuda Iskarut a lam hpe sum ru yu na rai nga ai. Madu Karai gaw kaga kasa ni hpe zawn, Yuda Iskarut hpe mung shi hte arau nga let, tara hkaw hkawm na saw shaga da hkrum ai wa rai nga ai. Raitim Yuda Iskarut gaw, Madu Yesu hpe tsawra manu shadan na malai, mung kan sut su lam hta sha ra marin mat nga ai.

Shawng e kasa langai mi rai nga ai Yuda gaw hpang jahtum e, sadi run ai wa tai mat ai. Dai zawn sha Nawku hpung hpe dingbai dingna jaw ai ni mung kaga masha n re. Madu Yesu a hpang hkan ai anhte hpung masha ni, kata na masha ni sha rai nga ga ai. Mady Yesu gaw, mat mat ai Sagu a matu hkrap nga ai. Shingrai Yuda Iskarut a sadi run ai lam hpe sumru ding lik ai hte anhte a hkum hpe mung jep sagawn yu ga. Anhte mung tinang a shut mara ni, hprai mat ai, sadi n dung ai lam ni a matu myit malai nna, grai kaja ai hku tsun shaga kanawn mazum chye ai kaga wa hpe mara dat ya chye ai. Kaning re mayak mahkak ni hte hkrum ai raitim Madu Karai kaw kamsham kam hpa let sadi dung lu hkra chyeju hpe hpyi la nga ga law.