Dai ni na Ja Chyum Mungga hpe hti sumru yu ai shaloi e, Sape ni a lagaw hpe Yesu kashin ya ai lam hpe na lu ga ai. Ndai chyum mungga hku  nna, shagrit shanem ai. Ap nawng ai hte tsawra myit ngu ai namnak nga ai lai hpe hkan sa na matu, Madu Yesu a prat hte anhte hpe madun dan nga ai. Anhte myit dum galaw ai ndai Chyoi pra ai laban bat mali ya shani gaw, shagrit shanem ai hte daw jau nga mu. Shada da tsawra nga mu. Daw jau nga mu ngu tsun ai gaw, tinang a ntsa hta kaja ai wa, hku hkau tsawra ai wa, tinang myit kap ai ni a ntsa e chyu sha kaja dan ai. Tsawra manu shadan ai.

Daw jau ai hku n re ai sha, Yuda zawn sadi n dung ai wa re ai hpe chye nga tim pyi, Madu Yesu gaw shaku langai mi kaw sha arau sha nna, shagrit shanem ai hte lagaw kashin ya ai. Shagrit shanem ai salum madu hpe Madu Karai ra sharawng ai. Daw jau ai ngu ai gaw, Madu Yesu a sharin shaga ai lam hta na madung langai re. Hkam n kaja ai ni hpe tsi lajang ya ai. Bai kaw si nga ai ni hpe jaw sha ai. Tara lam ni hpe sharin ya ai. Hpang jahtum e madu shi tsawra ai anhte shinggyim masha ni lawt lu na matu zingri zingrat hkam nna, asak ap nawng kau ai lam gaw Madu Yesu a tsaw dik ai, manu dan dik ai magam re. Ya anhte a makau hta, kaw si hpang gara ai. Bai hkam kaja lam n nga ai. Wenyi hte hkum hkrang myit masin kata hta, anhte a garum ya na hpe ra kadawn nga ai ni, hti n dang rai nga ai. Dai masha ni hpe Madu Yesu a tsawra myit masin hpe kasi la let ap nawng daw jau sa ga law.