April 15, Bat 3
Yawhan 3:16-21
Daini na Ja Chyum Mungga hpe hti sum ru yu ai shaloi e, shawng ningnan rai nga ai Madu Yesu a hpang hkan ai Hkristan ni rai nga ai Kasa ni hte, shanhte a hpang hkan ai ni a prat gaw, makam masham a majaw grai chyam dinglik hkam ra ma ai. Raitim shanhte a makam masham gaw, shanhte hpe myit n daw shangun hta sha n ga, grau na pi ngang kang wa ai. A rawng A ya lu ai ni gade mi ninghkap rim jep da ai raitim mung, shanhte gaw hkring mat ai lam n nga, grau hkaw tsun ai, tsi shamai ai lam ni hpe grau magrau grang, ngang kang ai ap nawng daw jau ai majaw, Nawku Hpung gaw dai ni du hkra a grin nga ai.
Madu Karai Kasang gaw shi a kasha shingtai hpe ap nawng ai du hkra shinggyin masha ni hpe tsawra nga ai. (Yhan 3:16) N dai chyum mungga daw gaw, kam sham ai ni law malawng ra sharawng ai Gasi rai nga ai. Dai ni na kabugara shiga a nammak mung rai nga ai. Karai Kasang a anhte shinggyin masha ni a n tsa tawn da ai tsawra myit hpe maram yu ga nga yang, Hkristu a Wu dang hpe yu mada n na pi ram la nga ai. Shi a Sai kahte mipi n nga hkra ru kau ai du hkra re ai tsawra myit hpe Kasa ni ap nawng sak se hkam sai re. Shingrai anhte yawng mung, tengman ai lam rai nga ai Madu Karai Kasang shi a tsawra myit hpe, shani shagu sakse hkamhkawm sa nga sa ga law.
