2026 ning April shata 19 ya shani Africa dan, Angola mungdan Kilamba mare hta galaw ai Missa Hkungga hta, Wa Sarabyin Leo XIV gaw Angola mungdan masha ni hpe myit mada shara hte n-nan bai gram lajang ai lam hpe tsun shaga lai wa ai. Amyu sha ni a labau hte chyum laika hta tsun da ai Emau mare de hkawm sa ai lam hpe myit sumru yu let, Wa Sarabyin gaw, lai wa sai aten hta mungdan kata majan hte tsin-yam tsindam ni law law nga ai raitim, Hkrung rawt wa ai Hkristu gaw anhte a makau kaw hkawm sa nga ai hpe ahkyak shatai tsun lai wa ai.
“Hkala nba hkrum ai mungdan” hpe shamai shatsai ya ai: Wa Sarabyin gaw Angola mungdan gaw ” tsawm htap nga ai raitim hkala nba hkrum nga ai” labau hpe hkap la nna, aten galu tsin-yam tsindam hte matsan mayan hkrum ai majaw myit daw myit hten ai lam, n-gun yawm ai lam ni byin chye ai hpe madi madun da nga ai. Shi gaw kam sham ai hpung masha ni hpe myit daw myit hten ai lam hta n hkring taw ai sha, Karai Kasang a tsawra myit hte hpring chyat nga ai htawm hpang de myit mada na matu tsun shadut ai.
Bai gawgap na lam: Amyu mungdan hpe bai gawgap na matu, Wa Sarabyin Leo XIV gaw ahkyak ai npawt nhpang lahkawng hpe masat ya ai:
1. Madu Yesu hta kam sham ai myit: Yesu gaw hkrung nga ai, myit npyaw ai hte hkra machyi ai lam ni hta mung masha ni the rau rai nga ai hpe chye na ra ai.
2. Shinggyim masha ni a ga sadi hta: Nawku hpung hte shi a mung masha ni hpe shinggyim nga pra masa hte sut masa ningma ni hpe shamai shatsai na matu atsam dat galaw sa wa na matu shaga ai lam.
Wenyi lam matsun: Nawku hpung a sharin achyin ai lam ni hte Missa hkungga hta ru jung nga na matu kam sham ai hpung masha ni hpe n-gun jaw ai sha n-ga, wenyi makam masham lam hta rawt jat galu kaba wa na hpe pat shingdang chye ai htunghking hta lawm ai “Mandan hpaji hte and shajan shalai kam ai” lam ni hpe sadi ra ai.
Kahkyin gumdin lam hte tara rap ra lam a matu shaga ai lam:
Wa Sarabyin gaw htawm hpang prat hpe myit mada da lam hpe
– Moi na garan ginhka ai lam ni, kashun kashe ni hkoi mat wa na.
-“Hten za ai hkala nba ningma ni” mai tsai mat na.
– “Tara rap ra ai hte garan gachyan ai htunghking nnan” ru jung wa na hpe myit mada ga nga tsun n-gun jaw da ai.
Wa Sarabyin gaw, Angola mungdan masha ni hpe, grau nna ramma ni hpe, “Prat nnan a ningbaw ningla ni” tai na matu, shadut let, a akyu hpyi ga ni the karai kasang hte ni htep ai lam hpe jaw ya ai, Missa hkung gaw tengman ai lam hpe galai shai ya lu na matu hte matsan mayan hkrum ai hte garan ginhka ai lam a “si hkrung si htan” ni hpe tawt lai lu na matu ra ai wenyi wan sau rai nga ai nga nna tsun ng-gun jaw lai wa ai lam chye lu ai.
