Shani Shagu Na Karai Mungga ( Daily Reflection)
21 April, Tue
Yawhan 6:30-35
Daini na Ja Chyum Mungga hpe hti sum ru yu ai shaloi e, Sumsing lamu de na teng man ai Muk a lam hpe na chye lu ga ai. Ya aten hta anhte a prat hta hpa baw ni hta hpang gara nga ma ta? Grau n na, anhte ni gaw, shinggyin masha ni rai nga ai hte maren nga ai hta, grau n na, ra sharawng chye nga ga ai.
Dai majaw Madu Yesu gaw, Hkum hkrang a matu hta wenyi a matu A Sak lu sha hpe ra marin na hpe shading ya nga ai. Ngai gaw, A sak muk rai nga n ngai. Ngai kaw sa ai ni hpang kalang kaw si hpang gara hkrum na n`re. Ngai hpe kam sham ai wa gaw hpang kalang Hka n`hpang gara na. Anhte a wenyi sak hkrung lam hkrung nga na matu, n nga nan n mai rai nga ai lu sha hpe Madu Yesu gaw, Muk a manu hpe tsun dan nga ai.
Madu Yesu gaw, anhte a prat a matu ra nga ai hpe jaw ya lu ai wa re. Anhte hkum hkrang n hkam kaja ai ten hta, lu sha gaw n nga nan n mai rai nga ai zawn, A sak muk ngu ai Madu Yesu gaw lam shagu hta, grau n na, wenyi hkam ja na matu n nga nan n mai re. Ya anhte a prat hta, A sak muk ngu ai Madu Karai gaw, Chyoi pra ai Hkum skramentu hta rawng nga ai.
Dai Chyoi pra Ai Hkum hta shi Hkum nan anhte a wenyi lu sha hku jaw sha nga ai. Anhte a myit masin hpe gring dan ai hku lajang shajin ra ai. Bai Chyoipra Hkum hpe Hkam la ai shaloi e mung, Madu Yesu gaw, wenyi n ngun jahpring ya ai. Jet ai Madu a hpang hkan ai byin na matu chyeju jaw ya ai re. N dai Chyoi pra ai Hkum skramentu gaw, Kade ram A hkyak la nga ai gaw Nang Myit yu ra nit dai re.
