23 April, Thu
Yawhan 6:44-51
Daini na Ja Chyum Mungga hpe hti sum ru yu ai shaloi e, Ngai gaw A sak muk rai nngai. Madu Yesu shi hkum nan A sak mung rai nga ai lam na chye lu ga ai. Dai ni na kabu gara shiga hta Yesu tsun ai. Ngai hpe shangun dat ai Kawa Karai Kasang n shaga yang kadai mung Ngai kaw n du lu na, Bai sa du ai wa hpe mung hpang ja htum na shani e ngai bai jahkrung sharawt ya na re. Anhte hpe Hkye hkrang la na matu Madu Karai lajang da ya chyalu rai nga ai. Anhte mung madat mara ai hte lam shagu gaw, Madu Yesu a lajang da ai hte maren byin nga u ga ngu anhte ni hkap la ra ga ai.
Madu Yesu gaw shani shagu na chyum mungga hti sumru ai. Shadum jahprang ga ni, Missa Hkungga shang lawm ai hte anhte a salum chyinghka hpaw da let madat hkam la ra ga ai. Madu Karai gaw anhte hpe grau n na, ninggun hpring zup mayu shangun nga ai. Hpa majaw nga yang e, anhte hkum nan hte makau grup yin hta e, Wenyi hta hpang gara taw nga ai ni rai nga ga ai. Shingrai Madu a mungga hpe tsawra manu shadan n na, Chyoi pra Hkum ai shaloi e mung Madu Karai Kasang hpe Madu a hkum kraw kata hta teng sha hkam la lu na matu, gring dan ai masin salum ni rai nga hkra shakut ra ga ai re. Shi Madu nan Muk rai nga ai. Sumsing lamu de na yu wa ai a hkrung ai Muk nan rai nga ai hpe dum let gring dan ai hte Hkam la lu na shakut sa ga law.
