April 21, 2026
Yawhan 10 : 11-18
Daini na Ja Chyum Mungga hpe hti sum ru yu ai shaloi e, Sagu rem wa kaja a lam hpe na la lu ga ai. Sagu rem wa kaja rai nga ai Yesu gaw, Sagu ni rai nga ai anhte hpe chye ai. Yu bau mada ai. Makawp maga ai. Lam woi madun ya ai wa re. Shi hpe kam sham ai ni anhte hpe galoi e mung kabai da na n rai. Sagu rem wa kaja Madu Yesu chyu sha anhte hpe jet ai tengman ai kam hpa gring ai wa rai nga ai. Shi gaw si ai ni kaw na bai hkrung rawt ai wa mung rai nga ai. Madu Yesu gaw lam madun ya ai hta sha n ga, anhte hpe manang tai ya ai. Anhte hte rau hkawm sa ai wa nan mung re.
Madu Yesu tsun ai. Shi a sagu lawng kata hta n shang shi ai kaga Sagu ni hpe mung shi madu nga ai. Dai Sagu ni hpe mung shi yu mada ya ai. Shanhte ni mung Ngai a ga madat n na, Sagu hpung langai, Sagu rem wa langai byin wa na rai nga ai. N dai Chyum mungga hpe yu dat ai a marang e, Madu Karai Kasang gaw, Nawku hpung kata na Hpung masha ni a matu sha n rai, mungkan masha ni yawng a matu kaja ai Sagu rem wa nan rai nga ai. Shinggyin masha yawng hpe karai Kasang hte Madu Yesu a tsawra myit hpe hkam sha shangun mayu nga ai. Dai majaw anhte yawng mung Shi Madu a sasana magam hpe, matut gun hpai na matu saw shaga ai hkrum nga ai. Dai majaw kaja ai hkristan prat hte sakse hkam shakut sa ga law.
