April 28, 2026
Yawhan 10:22-30
Daini na Ja Chyum Mungga hpe hti sum ru yu ai shaloi e, Yuda masha ni a Htingnu Poi lamang e Yesu shi gaw Karai Kasang a kasha rai nga ai hpe Sakse madun ai. Dai ni na kabu gara shiga hta e, shanhte gaw n kam ma ai.
Hpa majaw nga yang shanhte gaw, Ngai a Sagu masha ni n re ngu ai ga si anhte hpe sumru dinglik yu na matu, saw shaga da nga ai.
Madu Karai hpe kam sha na matu, Madu Yesu a kasha majing tai na ra ga ai. Madu shi kasha majing rai na matu gaw shi chye n na, shi a n seng hpe mada na mung ra nga ai. Dai majaw Madu a Kasa ni tai ai gaw, shi Madu hpe chye ai.
Shi a n sen hpe na ai. Shingrai Shi Madu hte seng na matu, tinang a Hkum hpe Madu hta kam sham ai hte ap tawn da ra nga ga ai.
Shaloi jang Madu hte bung n na, Madu hte zawn byin wa na rai nga ai. Kasa ni hte moi na Hkristan ni ngu tsun ai ni Madu Yesu a hpang hkan ai ni a prat hta e Madu Yesu hte bung ai prat hkrun lam ni hpe mu mada lu ga ai.
Shanhte ni gaw, Chyoi pra ai Wenyi hte hpring zup n na, Madu Yesu hpe mu mada chye wa ai. Shi a n sen hpe na lu n na, kam sham wa ai majaw, Madu Yesu a masha ni byin wa ai re.
Anhte marai langai hpra mung, Madu Karai Kasang hpe teng sha chye na n na, shi a shaga ai n sen hpe madat n na, kam sham ai Madu a Sagu kasha majing ni tai nga lu na shakut sa ga law.
