May 10 ya shani na, Wa Sarabyin Leo XIV a ‘Regina Caeli’(sumsing a hkawhkam jan) akyu hpyi ai mungga hta, Karai Kasang a tsawra myit hte shinggyim masha ni galaw ai lam lapran na sung htum ai matut mahkai lam hpe sawk sagawn na matu, San Yawhan a Kabu Gara Shiga hpe myit sumru let n-gun jaw shadum ya lai wa ai. Karai Kasang a tsawra myit gaw kaja ai akyang lailen a matu shagrau kumhpa n re ai sha, dai tsawra myit a npawt nhpang nan re ngu ai myit masa hpe madung tawn ai.

Tsawra myit gaw kumhpa rai nna, ra kadawn ai lam n re

Matsun da ai tara ni hpe hkan shatup ai lam gaw Karai Kasang a tsaw ra myit hpe lu la na lam n re hpe Wa Sarabyin asan sha tsun da nga ai. Karai Kasang a tsawra myit gaw anhte a dinghpring ai lam a matu rai nga ai.” Anhte gaw tsawra myit ‘lu’ na matu Shi a myit ra ai lam hpe hkan sa ai nrai; anhte hpe ‘tsawra’ ai majaw hkan sa ga ai.

Anhte Tsawra Myit a npawt nhpang

Wa Sarabyin Leo gaw shinggyim masha ni a tsawra myit atsam gaw derivative re ngu ai hpe ahkyak shatai tsun da ai. Asak hkam la sai ni sha asak hkrung lu ai zawn, Hkristu a “san seng ai hte shadawn shadang n nga ai” tsawra myit hpe hkam sha lu ai ni sha kaga masha ni hpe teng sha tsawra lu na re. Yesu gaw ndai lam hpe ta tut madun dan lai wa sai.

“Asak hkrung Lam” hte Tara masa

Hkang da ai ga ni hpe pat shingdang ai tara ni (sh) “myit ung ang ai ultimatum” hku n rai, “wenyi sak hkrung lam” hte shamai shatsai lam de sa wa na lam hku nna mu mada ra ai.

Chyam dinglik ai lam ni hta lawm ai

Wa Sarabyin gaw, kam sham ai hpung masha ni hpe, shanhte galoi mung langai hkrai n nga ai hpe kam shangun ai. Shi gaw Paraclete (Chyoi Pra ai Wenyi) hpe anhte a Tara Kasa hku nna tsun da ai, shi gaw garan ginhka ai lam hpe hkai na matu shakut ai “Mara shagun ai wa” (sh) “masu hkalem ai wa a kawa” hpe ninghkap ai wa hku nna tsap ya nga ai.

Yesu a tsawra myit gaw anhte a kata kaw tsawra myit hpe shangai ya shangun ai ngu ai hpe chye na nna, kam sham ai hpung masha ni gaw mungkan a chyam dinglik lam ni hte n hkru n kaja ai lam ni a lapran hta pyi Karai Kasang nga ai hpe sakse hkam lu na atsam lu la nga ga ai.