Daini na Ja Chyum Mungga hpe hti sumru yu ai shaloi e, Chyoi pra ai Wenyi yu hkat wa nna galaw sa wa na lam ni hpe na la lu na ga ai. Ndai laman hta, Madu Yesu gaw shi a Kasa ni hpe num htet ga ni law nga ai hpe mu lu ga ai. Shi tsun na ga ni law law naw nga nga ai. Raitim mung nanhte hkam lu na n rai, nga nna chyum laika hpe hpaw hpang tsun da nga ai. Madu Yesu a tsun sharin shaga ai ga si ni gaw, lachyum grai sung la nga ai majaw, Kasa ni chye madat na yak la nga ai. Ndai mayak lam ni hpe Yesu hkum nan mung chye nga ai. Shingrai shi a Kasa ni n chye madat ai tengman ai lam ni hpe Chyoi Pra ai Wenyi Karai Kasang gaw, lam madun sharin ya na rai nga ai.

Hpang e byin wa na lam ni hpe mung Chyoi Pra ai Wenyi Karai Kasang gaw lam madun ya na rai nga ai. Ndai shara hta e Kawa Kasha Chyoipra ai Wenyi kahkyin gumdin lam, shanhte shada da a hpung shingkang danhkung nga ai hpe mu lu ga ai. Shingrai prat hta e n chye madat ai mabyin ni byin pru wa ai ten ni hpe n dang hkam wa ai shaloi e Chyoi pra ai Wenyi a chyeju hpe hpyi la u. Anhte a gawng kya ai lam ni, anhte hpe tut e jaw ang ai hku mu mada ya nga ai. Madu Karai hpe grau grau nna, kam sham ga. Shi Madu a mungdan lam shagu hta grau dan hkung wa na ga. Anhte yawng mung tinang a man ang ai magam ni hpe mai kaja ai lam hta sakse hkam shakut sa ga law.