Daini na Ja Chyum Mungga hpe hti sum ru yu ai shaloi e, Madu Yesu gaw shi a ga matsun ni hpe hkan lang shatup ai ni hpe jinghku ngu na ngu ai lam hpe na la lu ga ai. Daini na chyum mungga hpe sumru yu na grai law la ai raitim, Madu Yesu gaw, shi a mungga ni hpe hkan shatup ai ni hpe jinghku ni ngu tsun na ngu ai ga si hpe sumru dinglik yu ga. Kasa ni mung Madu Yesu a jing hku ni byin wa sai rai nga ai. Madu Yesu hte Kasa ni a lapran hta e, grau nna, hku hkau wa lu ai zawn, Karai Kasang a sasana magam bungli hta rau shang galaw lu nga ai. Shanhte gaw shi hpe hkrit kajawng ma ai.

Dai hta sha n ga, hku hkau ai majaw, Shi Madu a yaw shada ai magam bungli ni hta e, shang lawm gun hpai na matu Madu Yesu gaw, shanhte hpe jinghku ni ngu nna shaga ai rai nga ai.  Karai Kasang gaw anhte langai hpra hpe mung jinghku zawn shi a kashu kasha ni majing hku manu shadan nga ai re. Anhte a prat hta e, Karai Kasang a sharin shaga ai hpe hkan sa ai gaw, nga rai de du na hkrit nna, dan hkam ra na tsang nna, ngu ai myit masa hte n rai ai sha, shi Madu hpe tsawra let shi sharin ya ai lam ni gaw, tengman nga ai majaw nan rai nga ga ai n rai a ni? Shingrai shiga madat nga ai ni anhte yawng mung, Karai Kasang a tsawra myit hte lata la ai lam ni hpe manu shadan n na, ni htep ai ni hpe mung, tsawra myit madun let sak hkrung sa lu hkra shakut sa ga law.