Daini na Ja Chyum Mungga hpe hti sum ru yu ai shaloi e, Madu Yesu gaw kade nna ai ten hta shi si na re ai. Dai si na lam a majaw Kasa ni myit ru yawn nga ai lam na chye lu ga ai. “Ngai kaja wa tsun nngai. Nanhte myit ru yawn hkyen nga ai ten, ndai mungkan ga gaw kabu pyaw na rai nga ai”
Daini na chyum laika hta e,Madu Yesu gaw kade nna ai ten hta shi si na re ai. Dai si na lam a majaw Kasa ni myit ru yawn hkyen nga ma ai. Shaloi mungkan ga gaw, shi hpe sat kau lu sai nga nna, kabu pyaw taw nga na hpe chye ai majaw, ndai hku galaw sa ai re.
Raitim mung Kasa ni a yawn ai lam ni gaw kabu pyaw hpa lam de galai mat wa na hpe chye da ga ai. Ma shangai ai ten machyi hkam sha ai mabyin ni gaw, kasha ni a myi man hpe mu mada ai ten yawng mat mat nna, kabu pyaw nga ai kanu hte shingdaw da nga ai. Madu Yesu hkrung rawt mat wa ai shaloi shi kasa ni kabu pyaw ai zawn, dai zawn re ai kabu pyaw lam hpe shanhte kaw na kadai wa e mung n mai la kau lu nga ai nga n na Yesu tsun da nga ai. Anhte ni a prat hta mung hkrum katut ra ai mayak manghkang lam ni machyi hkrum ra ai lam ni gaw, prat dingsa e hkrum katut nga na gaw n rai nga ai. Anhte a kam sham myit mada ai lam ni gaw, hkrung rat wa sai Madu Yesu hta myit jung da ai rai yang mayak lam ni yawng lai di lu na teng sha re.