Daini na Ja Chyum Mungga hpe hti sum ru yu ai shaloi e, Madu Yesu gaw yawng ma yawng hpe chye ai re lam ga shadawn hte n rai dan dan leng leng da ai lam na lu ga ai. Kasa ni gaw Madu Yesu a lam hpe mu ai. Karai Kasang kaw na du sa ai wa re hpe kam sham wa ma ai. Bai Kasa ni hka bra nna, shi hpe sadi n dung ai ni rai na hpe mung shi a san sha tsun da nga ai. Raitim mung shi gaw si ai ni kaw na bai hkrung rawt wa na re ai majaw, shi kaw madat mara na lam hpe tsun da nga ai. Anhte Hkristan ni Karai Kasang hpe kam sham ai ngu tsun ai shaloi e, Mungga gaw masha tai wa sai. Anhte a Madu Yesu gaw Karai a kasha re ai ngu ai hpe mung kam sham ga ai. Ndai mungga gaw asak hkrung nga ai ngu ai hpe hkap la ma ai.

Shingrai ndai mungga hte wenyi ninggun lu na matu, anhte shakut nga ga ai kun? Dai hta sha n ga, tinang a prat hta hkrum ang wa ai yak hkak lam ni, shingdu de tawn kau hkrum ai lam ni gaw Udang hpai ai zawn, hkrum nan hkrum ra na mabyin lam ni rai nga ai. Ndai mabyin lam ni gaw, anhte hpe sum mat shangun ai mabyin ni n re. Dai zawn re ai mahkrum madup ni gaw, awng dang na lam a ningpawt ninggam ni nan rai nga ai. Madu Yesu a shadawn n dang ai mau hpa tsawra myit ni gaw, anhte hte rau tut e nga nga ai. Dai zawn yak hkak ai lapran hta e simsa ai hku nga pra sa lu hkra shakut hkawm sa ga law.