Daini na Ja Chyum Mungga hpe hti sumru yu ai shaloi e mungkan ntsa e anhte nga pra sa ai yaw shada ai lam gaw hpa baw a majaw ta ngu ai hpe chye na matu shadum ya ai lam na chye lu ga ai. Ndai lam hte seng nna, Madu Yesu a matu gaw, Kawa Karai a hpung shing kang dang hkung wa na matu rai nga ai. Shi tsun matsun, ai lam ni galaw sa ai lam mahkra gaw, Kawa Karai a a hpung shing kang dang hkung wa na matu rai nga ai. Shi n ni n kri n hkam shi yang, Kasa ni a matu kyu hpyi ya ai hpe mu lu ga ai. Kawa Karai Kasang hte Kasha langai sha rai nga ai.

Dai zawn sha, kasa ni mung yawng langai sha rai nga na matu kyu hpyi ya ai hpe mung mu lu ga ai. Shi akyu hpyi ai lam hta na hpang jahtum hta e, Kasa ni gaw Krai Kasang a teng man lam hte san seng san pra ai lam hta tinang a hkum ni hpe san seng ai hte ap nawng daw jau lu na matu re. Dai zawn Madu Yesu a hpang hkan nang ai ni anhte yawng mung san seng san pra ai hku, tengman jaw ai hku tsun shaga nga sa ai hte, Madu a magam hta ap nawng ra na rai nga ai. Chyoi pra ai wenyi gaw, san seng san pra ai lam a, madung ningpawt rai nga ai. Dai majaw chyoi pra ai wenyi Karai Kasang a chyeju hte anhte mung tinang a hkum hpe galai shai kau nna, Madu a hpang hkan nang ai kaja ai masha ni byin tai nga ga law.