Daini na Ja Chyum Mungga hpe hti sumru yu ai shaloi e, si ai ni bai hkrung rawt na lam na lu ga ai. Karai Kasang gaw dinggrin anga nga ai asak a myit mada shara hte ga sadi ni hpe madi madun ya ai. Si mat ai ni n rai, asak hkrung nga ai ni a matu Karai Kasang rai nga ai hpe jahtoi ya let tsun shadum nga ai. Anhte a shani shagu na prat hkrun lam hte dai ni na ndai chyum mungga gaw, San pra ai Charles hte shi manang ni hpe kam shut shangun ai gawng kya ai lam ni hkrum katut ai shaloi hta e, kam sham lam hta ngang kang nga lu na matu, anhte marai hkum shagu hpe sadi jaw da sai re.

Nawku hpung a share ninghkring ni zawn, makam masham lam hta magrau grang let sak hkrung nga sa ai. Matut dingyang nna mung tengman ai lam hpe hkan tam sakse hkam ai. Madu kaw na jet ai tsawra myit hte sak hkrung nga na ninggun la nga ga. Shingrai daini na madu a kabu gara shiga hta na, dai san seng ai ni a sak prat hte Karai Kasang a ga sadi ni hpe grau grau nna namnak nga ai hte kam sham kam hpa na grai ahkyak nga sai re. Ya dai ni mungkan hta e, anhte gaw makam masham lam hta, magrau grang kungzet ai sak se hkam ai ni byin nga na matu, anhte yawng hpe lit shatsam let ninggun jaw nga ai re. Dai lam ni hpe nang ngai sumru dinglik yu let, ta tut shang lawm shakut sa ga law.