Daini na Ja Chyum Mungga hpe hti sum ru yu ai shaloi e, Madu Yesu sharin ya ai Madu a akyu hpyi ga hpe na chye la lu ai. Madu Yesu gaw anhte hpe gara hku akyu hpyi ra na lam hpe sharin ya nna, Madu Karai Kasang hte myit kri dung kaja ai hte shagrit shanem ai hku matut mahkai chye ai a ahkyak ai lam hpe madi madun ya nga ai. Bai nna, anhte ni Karai Kasang kaw ni htep sa lu na ladat ni a matu mung tsun madun ya nna, anhte gaw tinang a hkum hpe mara raw dat ya ai hpe hkam mayu ai rai yang, kaga masha wa hpe shawng mara raw hkyam sa ya na ra nga ai lam hpe Madu Yesu gaw anhte hpe sadi jaw da nga ai.

Daini kabu gara shiga hta e, Madu Yesu hkum nan sharin ya ai Madu a akyu hpyi ga gaw, kyu hpyi ga ni hta na hkum zup dik ai akyu hpyi ga rai nga ai. Shingrai shi gaw anhte hpe yu lakawn bau sin ya ai tsawra myit nga ai kawa langai mi hku nna, Karai Kasang kaw ni htep sa na matu anhte hpe tut nawng e ninggun jaw ya nga ai Madu re. Dai daram hkumzup ai akyu hpyi ga hpe shani shagu hpyi let Madu hte matut hkawm sa nga ga law.