Daini na Ja Chyum Mungga hpe hti sum ru yu ai shaloi e, grin ai sut gan hte hkum hkrang a ninghtoi ni a lam na la lu ga ai. Anhte a prat hta e shimlum ai,kabu pyaw ai, wanglu wanglang re ai, bai lusu ngamu ngamai ai lam ni reng power ni hte awng dang ai lam ni hta chyu sha tinang a prat hpe madung tawn ap da chye ma ai hkrai n rai a ni? Ja gumhpraw a hpang de dingdung hkan nang nna sha madu a ahkying ten ni hpe shalai taw nga ai masha ni, bai arawng aya ni hpe n lu lu hkra ladat shaw let shakut hkawm sa nga ai ni hti n dang rai nga ga ai.

Daini na chyum mungga hta e, n grin ai htum mat chye ai ndai mungkan ntsa na sutgan ni hpe hkum mahkawng da. Tut e agrin nga na sumsing sut gan hpe sha myit maju jung tam mahkawng da na matu, anhte yawng hpe Yesu Madu sadi ja ja jaw da nga sai. Sutgan arung arai ni hta, wenyi a lam hta hpring zup na hpe grau madung tawn da let, ahkyak dik ai lam hpe madi madun ya nga sai re. Dai majaw anhte kaja wa manu shadan nga ai lam hpe sawk sagawn masam maram yu ga. Aten galu ngang kang lu ai pyaw hpa lam hte, htani htana asak hpe jaw ya ai lam hta aten hte ninggun atsam ningja hpe arang jaw taw nga sai kun? Shing n rai yang, lu su nga mu lam, arawng aya ni hta chyu ning gun dat nga ai kun? Madu a hkum Madu san jep yu nga ga.