Karai Kasang Hpe Shawng Myit Maju Jung Nna Hkawm Sa Wa Ai Shaloi Anhpe Hpe Hkrak Sha Lam Madun Ya Ai

Mt 6:24-34

Karai Kasang lajang ya na hpe myit ru myit tsang n ra ai ngu Yesu tsun ai shaloi hpa hpe tsun mayu ai kun? Shi gaw anhte hpe asan sha yup nna hpa mung n’galaw na matu tsun nga ai kun? Teng sha n re! Yesu gaw kabu gara shiga hta Karai Kasang hpe kam hpa na matu sharin la ra ai ngu tsun nga ai. Raitim Yesu gaw anhte hpe lagawn nga nna n-gup hpe sha hpaw mahka da yang lusha gaw sumsing lamu kaw nna asan sha hkrat wa na re ngu n tsun ai.

Anhte galaw ra ai lam gaw Yesu hpe kam sham ai hte kam hpa ai lam rai ra ai. Raitim anhte mung shamu shamawt nna lama ma galaw ra ai rai nna, dai lam hta anhte a shakut shaja ai lam hpe kaja ai Madu shaman ya na hpe myit mada ra ai. Dai majaw Yesu hpe kam hte anhte gaw anhte galaw ai lam hku nna anhte a kam hpa ai lam hpe grau ngang kang hkra galaw nna, dai yawng hpe kaja ai Madu a chyeju hta ap da ra ai.

Ndai mungkan hta lachyum nga ai prat hpe hpa gaw shabyin ya ai kun? Ndai mungkan hpe shawng myit maju jung ai prat n re ai sha Karai Kasang hpe shawng myit maju jung ai prat re. Karai Kasang hpe shawng myit maju jung ai shaloi ndai mungkan hta anhte a prat hpe matut hkawm sa wa ai shaloi anhte hpe hkrak lam madun ya ai. Karai Kasang hpe anhte a matu ahkyak dik htum re ngu ai majaw sha, shut ai lam galaw na matu loi loi hte n gunglau hkrum ga ai.

Karai Kasang gaw shawng na dung shara kaw nga yang anhte hpa myit tsang ra ai lam n nga ai hpa majaw nga yang anhte a lam hta byin wa chye ai chyam dinglik lam ni hpe anhte hparan lu na re. Anhte a prat hta Yesu gaw shawng na shara hpe zing madu da ai majaw, anhte gaw dai hpe teng sha hpung shingkang hte hkrung nga lu na re.

Ya aten hta na a prat hta kadai hpe shawng tam ai kun?