Daini na akyu hpyi sumru yu na ga baw hpe: “Do we Know Him, Karai Kasang hpe anhte chye sai kun”, ngu ai hpe la ga.
Shawng nnan, Chyum mungga hpe hti ga,
“Hpaji rawng ai wa gaw shi a hpaji byeng-ya hpe n gumrawng u ga, n-gun ja ai wa gaw shi a n-gun hpe n gumrawng u ga, sut su ai wa gaw shi a sut su ai hpe n gumrawng u ga, rai ti mung gumrawng gumtawng ai wa gaw, ngai hpe chye na nna chye chyang ai lam hta gumrawng nga u ga, ngai gaw ga ntsa e ngang grin ai tsawra myit, tara rap ra ai lam hte dinghpring ai lam hpe galaw ai Madu rai nga nngai. Yeremia 9:23-24 hpe mu lu ai.
Karai Kasang gaw anhte shi a kashu kasha ni hpe hpaw shadan dan mayu ai yawng hta, anhte shi hpe asan sha chye na hkra galaw na hpe grau ra sharawng nga ai. Shi a myit masin kata na makoi magap da ai lam kaba ni, tengman ai lam ni, masing ni, ra sharawng ai lam ni yawng hta, anhte a myit dik lam, kabu gara lam, yaw shada lam yawng hpe hku hkau lam hta mu lu na hpe shi grau ra sharawng nga ai. Yeremia 9:23-24 hta Karai Kasang a myit masin kata na ndai sung htum ai ra sharawng ai lam hpe tsun da nga ai. Chyum laika hta tsun da ai gaw, .
Hpaji rawng ai wa gaw shi a hpaji byeng-ya hpe n gumrawng u ga, n-gun ja ai wa gaw shi a n-gun hpe n gumrawng u ga, sut su ai wa gaw shi a sutgan hpe n gumrawng u ga, rai ti mung gumrawng gumtawng ai wa gaw ndai lam hta gumrawng u ga, shi ngai hpe chye na nna chye chyang ai, ngai gaw ga ntsa e ngang grin ai tsawra myit, tara rap ra ai lam, dinghpring ai lam ni hpe galaw ai Madu rai nga nngai. Kaning rai nme law, dai lam ni hta ngai kabu nga nngai, nga nna Madu tsun ai.
Karai Kasang a chye chyang ai hta grau kaba ai hpaji hparat hpa naw nga a ta? Anhte a matu shi a asak hpe ap nawng kau na Karai Kasang, anhte a Hpan Madu a myit masin hpe chye na ai hta grau kaba ai lam hpa naw nga ai kun? Nang ngai gaw Karai Kasang hpe kaga masha ni hta grau sung ai, galai shai wa ai hku chye lu ai. Hkristu a asai hku nna Karai Kasang gaw anhte hpe grau ni htep hkra galaw ya sai.
Shakawn Kungdawn 46:10 gaw kam sham mai ai atsam kaba hte Madu a hkang da ai ga rai nga ai. Anhte a sumsing Kawa gaw, “Atsin sha nga mu, ngai Karai Kasang rai nga nngai hpe chye nga mu” nga nna tsun nga ai. Magam bungli langai hpang langai a n hkru n kaja ai lam ni hte hpring chyat nga ai mungkan hta, Karai Kasang gaw anhte hpe, “Ngai hpe asan sha chye nga u” nga nna tsun nga ai. Lu la ai hte hkam la ai ngu ai npawt tara ni hta gawgap da ai mungkan hta, Karai Kasang gaw anhte a akyu ara langai pi nlawm ai sha shi hpe chye na na matu anhte a man e hpaw tsun saw shaga nga ai. Karai Kasang hpe chye lu ai shi Karai Kasang chye hkun mayu ai majaw sha, anhte chye lu ai. Anhte Karai Kasang hpe chye ai gaw Shi anhte hpe anhte a byin tai ai hku nna tsawra ai majaw sha re nga ai.
Karai Kasang gaw anhte a lata a bungli langai ngai (sh) anhte hta shi tawn da ya lu ai kumhpa langai ngai hpe ra sharawng ai hta grau nna, shi hpe anhte chye na shangun mayu ai. Dai majaw anhte gaw mungdan magam bungli ni hta hkan nang hkan sa nna, anhte a prat a madung yaw shada lam gaw Karai Kasang hpe kabu gara shangun na matu sha rai nna, shi hpe bai kabu gara shangun na matu sha re ai hpe malap kau chye ga ai. Ndai prat a yawng hta grau kaba ai yaw shada lam yaw Shi Karai Karai Kasang hte hku hkau lam re nga ai.
Anhte chye ai lam yawng hta na, Karai Kasang shi nan hpe chye ai gaw kaja dik htum chye lu ai lam re nga ai. Chyum Laika kaw na anhte lu la mai ai machye machyang hte hpaji byeng-ya yawng hta na, anhte a tsaw dik htum ai lam gaw, dai Chyum Laika a Madu hpe teng sha, sung sung chye na ai lam rai u ga. Anhte a man e nga nga ai hten bra mat na mungkan a amu ni hta, anhte gaw Karai Kasang hpe dau jau ra ai hpe a dum nga u ga.Bai nna, anhte a prat htum wa de, anhte a prat hta madung hku nna, sumsing lamu na Kawa hte tengman ai, tsawra myit hpring ai, hku hkau lam nga ai rai u ga.
Ya, asim sha nga nna sumru yu ga,
1. Karai Kasang hpe chye chyang lu ai lam hpe myit sumru yu u. Karai Kasang hpe yawng hta grau nna chye mayu ai myit hpe shabyin ya na matu Chyum Laika hpe ahkang jaw u.
“Atsim sha nga mu, ngai Karai Kasang rai nga nngai hpe chye mu.” Shakawn Kungdawn 46:10.
2. Sumsing Kawa hpe chye chyang ai hta grau nna na a prat hta gara lam ni gaw grau tsaw ai kun? Karai Kasang hte hku hkau lam nga ai hta grau nna nang a matu hpa gaw ahkyak dik rai kun? Na a myit masin, aten, galaw ai lam ni hte ningmu ni hpe teng man ai hku yu u.
3. Shi hpe asan sha pyaw shangun ai, shi hpe pyaw shangun ai wa tai na matu Madu kaw karum hpyi u. Ndai madung lam hte n htap htuk ai kaga lam yawng hpe kabai kau na matu shi hpe karum hpyi u. “Shi gaw Karai Kasang rai nga ai hpe chye nga u” ngu nna shara hte aten jaw u.
“Anhte a Madu hte Hkyehkrang la ai Madu Yesu Hkristu a chyeju hte chye chyang ai lam hta mahtang galu kaba wa mu: ya e mung, htani htana prat du hkra, shi kaw hpung shingkang anga nga u ga law, Amen.” 2 Petru 3:18 hpe hti u.
Karai Kasang hte jinghku hku ai lam hta anhte a prat hpe bai gram lajang ai lam gaw Karai Kasang a chyeju hte myit galu ai hte hkawm ai hkrum lam re nga ai. Nang gaw na a prat hpe nang madung ra sharawng ai lam hta sha madung tawn na hpe shi chye ai. Shi gaw na a madung kabu gara lam byin tai wa na matu aten ra ai hpe shi chye ai. Raitim ndai gaw teng sha nga yang, nang hkan sa lu ai tsaw dik htum, ahkyak dik htum ai lam rai nga ai. Shi gaw na a kabu gara lam madung tai wa ai shaloi, prat a kaga lam yawng gaw, shi shara hte shara prinem lam lu la ma ai. Shi gaw na a madung kabu gara lam tai wa ai shaloi, na a hkam sha lam ni gaw, galai shai chye ai, n-gun n rawng ai mungkan a lam ni a npu e n nga mat sai sha, sumsing lamu na Kawa a n-gun atsam rawng ai, n galai shai ai shingra tara hta madung tawn na re. Karai Kasang hpe hkum tsup hkra hkam sha lu na matu, dai ni na aten hta na a myit masin mahkra hpe Karai Kasang hpe ap nawng ya u ga. Shi a tsawra myit hte nga nga ai lam gaw na a prat a npawt nhpang rai nga u ga. Bai nna, yawng hta grau nna shi hte jing hku hku ai lam hpe tam nga u ga.