Daini na Ja Chyum Mungga hpe hti sum ru yu ai shaloi e, Manggang kap ai wa hpe Yesu shamai ya ai lam na chye lu ga ai. Ndai Manggang kap ai wa a labau hta, anhte gaw makam masham lam hte shagrit shanem ai hte Yesu kaw sit sa na lam hta grai a hkyak nga ai lam hpe anhte mu lu saga ai. Ndai mungga hta Madu Yesu gaw, shamai shatsai ya ai hte, matsan dum lama ai lam hpe ap nawng na jin jin re ai lam anhte hpe tsun dan nga ai. Anhte a prat hkrun lam hta e, Manggang kap ai wa zawn, Karai Kasang a garum ya na hpe tam nga ga ai. Shi a tsawra myit hta grau ai kadai mung n nga ai hpe chye lu ga ai.

Madu Yesu gaw, shi a tsawra matsan dum ai myit hte kalang ta shamai ya ai lam gaw, shi hpe hkum hkrang chyu sha n rai, shinggyim uhpawng kata hta bai ganawn mazum lu ai lam mung rai nga ai. Dai zawn sha anhte a shani shagu sak hkrung sa lam ni hta e, Madu Yesu madun dan ai zawn kaga masha ni hpe mung tsawra matsan dum myit ni, chye na ya ai. Tinang hkrai dinghkrai nga nga ai ni hpe matsan dum chye ai. Dai gaw Madu Yesu a tsawra myit hpe shadan shadawng yu lu ai majaw, anhte a makau grup yin ni hta e mung chye wa ai. Shingrai kam sham ai hte Karai Kasang kaw sit sa nna, shani shagu na magam lam hta e Madu Yesu hpe saw shaga nga ga law.