Daini na akyu hpyi sumru yu na ga baw hpe: “God longs to share His will, Karai Kasang hpe shi sharawng ai lam hpe garan ya mayu nga ai,”

Shawng nnan chyum mungga hpe hti ga,

“Karai Kasang gaw nang hpe tut nawng woi wa nna, hkraw hkun ai shara e na myit masin hpe jahkru shakat ya ai the, na nrut nra ni hpe n-gun shaja ya na ra ai: nang gaw hka rawng ai sun the,  galoi n hkyet mat ai hka hpawk zawn, tai na rin dai.”Esaia 58:11 hta mu lu ai.

Chyum Laika hta simsa dik ai tengman ai lam langai gaw, Karai Kasang gaw shi a amyu masha ni hpe shi a myit ra ai lam hpe garan gachyan na matu ra sharawng ai lam rai nga ai. Karai Kasang gaw anhte a myit ra ai hku tawn da ai wa n re. Shi gaw anhte hpe Chyum Laika hte tawn da nna, “good luck, gam a kaja u ga yaw. Nang chye na na hpe myit mada ai” ngu tsun ai wa pyi n re. Shi gaw a kata e nga ai Karai Kasang re nga ai hte, anhte hpe shi ra sharawng ai kaja dik ai hkum tsup ai lam de woi sa mayu nga ai.

Yeremia 29:11-14 hpe Hkristan hpung ni hta law law lang tsun shalawm ai daw langai mi rai nga ai. Raitim, shi a ga si ni hta lawm ai atsam rawng ai ga sadi hpe dai ni nanhte hpe nnan, galai shai wa ai hku hpaw shadan dan na matu ngai akyu hpyi nga nngai. Chyum laika hta tsun da ai gaw, .

Kaning rai nme law, Karai Kasang ning nga ai: Nanhtea lam ngai myit hku, ngai chye nga nngai: nanhte hpe jahten na n rai; nanhte myit mada ai lam, htawng hpand e lu la hkra, ngwi pyaw ai hku hkrai ngai myit nga nngai. Nanhte ngai hpe sa shaga nna, ngai hpang de akyu sa hpyi nga yang, ngai nanhte a ga madat na nngai. Myit masin mahkra the ngai hpe hkan tam yang, nanhte ngai hpe mu na myit dai. Ngai mung nanhte hpe mu shangun na nngai; nanhte hkrum ai bawng dung ai hpe ngai shabai jau nan, annte hpe shaden shabra kau dat ai mung shagu the shara shagu hta na, nanhte hpe shinggyin la nhtawm, moi shawng de nanhte hpe shaden shabra kau ai mung de, ngai nanhte hpe bai woi wa na nngai, nga nna Karai Kasang tsun ai.

Anhte a myit mada lam hpe sumsing lamu na Kawa a hpaw shadan dan ai myit ra ai lam hta tawn da mai ai. Anhte gaw sagu rem wa n nga ai sagu ni n rai, anhte a matu shi a asak hpe ap nawng kau na matu du sa ai hkum tsup ai, tsawra myit rawng ai Karai Kasang a sagu hpung hta lawm ai ni re ai hpe kam mai nga ai. Chyoi Pra ai Wenyi hku nna Karai Kasang gaw “n hkru n kaja ai lam n re ai sha, kaja ai lam” a matu shi a masing de anhte hpe hkum tsup ai hku lam madun ya lu ai atsam nga ai. Shi woi awn ai a hpang e grau law htam ai, hpring ai prat nga nga ai

Ga Shagawp 3:5-6 hta “Na a myit masin mahkra hte Karai Kasang hpe kam hpa nga u, na a chye chyang ai nyan hta hkum shamyet shanat nga u, lam shagu hta shi hpe dum nga u, shaloi shi na a lam shading  ya na ra ai” nga nna tsun da nga ai. Karai Kasang gaw anhte a lam ni hpe ding ding shatai ya na hpe ra sharawng nga ai. Raitim shi a lam matsun hpe hkan sa lu na matu, anhte a kam hpa ai lam gara kaw nga ai, kadai hpe anhte a prat hta hkap la nga ai hpe jep joi yu ra ai. Anhte gaw hkring tup nchye na ai lam hpe galoi mung n hkan sa nga ai. Wenyi e woi awn hkrum na rai yang shi tsun ai lam shagu gaw anhte a matu kaja dik htum re ngu kam sham ra ai.

Kam hpa ai ngu ai gaw jinghku hku hkau lam a asi apu re nga ai. Karai Kasang gaw kam hpa mai ai lam hpe mahkrum madup hku chye na ai kaw na shangai wa ai ngu ai lachyum re. Karai Kasang hpe na a prat hta kam hpa mai ai lam sakse madun na matu ahkaw ahkang law law n’jaw shi yang, dai ni gaw dai shani rai nga ai. Anhte Karai Kasang a amyu masha ni hku nna shi a ga sadi ni jaw ya ai prat sutgan yawng hpe hkam sha lu na matu shi hta sha myit mada shara tawn da ra ai. Shi a myit ra ai lam hpe tup hkrak chye na lu na matu, shi hpe kam hpa ra ga ai.

Na a Karai Kasang gaw kam hpa mai ai lam hpe myit sumru na matu aten la u. Shi a myit ra ai lam hpe nang hpe tsun dan mayu ai myit hpe myit sumru yu u. Shi hpe sha kam hpa na matu aten la nna, shi a lam matsun hpe hkan sa na matu ga sadi jaw u. Na a prat a matu Karai Kasang a hkum tsup ai, myit pyaw hpa masing ni a asi yawng hte na a prat hpe masat da ya u ga.

Asim sha nga nna myit sumru yu ga,

1. Karai Kasang a kam hpa mai ai lam hte shi a myit ra ai lam hpe nang hpe tsun dan mayu ai myit hpe myit sumru yu u.

“Karai Kasang gaw nang hpe tut nawng woi wa nna, hkraw hkun ai shara e na myit masin hpe jahkru shakat ya ai the, na nrut nra ni hpe n-gun shaja ya na ra ai: nang gaw hka rawng ai sun the,  galoi n hkyet mat ai hka hpawk zawn, tai na rin dai.” Esaia 58:11 hta mu lu ai.

2. Karai Kasang hpe kam hpa na matu gara kaw yak hkak nga ai kun? Shi a hkum tsup ai, myit pyaw hpa masing ni hte n lawm ai na a prat gara kaw nga ai kun?

“Masha a myit masin gaw shi a lam hpe hkyen nga timung, Karai Kasang gaw shi a lagaw lahkam hpe shagrin da nga ai.” Ga Shagawp 16:9.

3. Dai ginra ni hta Karai Kasang a myit ra ai lam hpe nang hpe hpaw shadan dan na matu hpyi nem u. Shi a myit ra ai lam hpe teng sha hkan sa ai a asi hpe nang hkam sha lu na matu, shi a ra sharawng ai lam ni hte na a myit masin hpe hkan sa u. Na a prat hta lam shagu hta Karai Kasang hpe sha kam hpa nga u.

“Ndai mungkan ga a myit masin hpe hkum hkan dagraw nga myit, Karai Kasang a myit ra ai lam, mai kaja ai, sharawng awng ai hte hkum tsup ai lam hpe chye ginhka lu hkra, nanhte a myit masin hpe ningnan hte galai shai nga mu.” Roma 12:2.

Kalang lang Karai Kasang a hkum tsup ai, myit pyaw hpa masing ni gaw mungkan a ra sharawng ai lam ni hte n’htap htuk ai. Raitim shi a lam ni gaw anhte a lam ni hta grau tsaw ai ngu ai hpe kam hpa ra ai. Shi anhte hpe ra sharawng ai lam, ra sharawng ai lam gaw anhte myit mada lu ai lam yawng hta grau kaja nga ai. Anhte a ya aten na masa lam ni hte ra sharawng ai lam ni hte rau woi awn ai shaloi, htani htana prat hpe myit mada nga ai. Na a myit masin hpe shi hte maren shatai nna, shi hta sha myit mada shara tawn da ai shaloi, shi a woi awn ai lam gaw na a myit masin a sung htum ai ra sharawng ai lam ni hpe hkum tsup hkra shadik shatup ya na hpe kam u.