Wa Sarabyin Leo XIV gaw, shi a hka lum aten hpe Castel Gandolfo mare kaw July 5 ya shani kaw nna July 27 ya shani du hkra Kasa Hkawhkam htingnu hta hkring sa la na re lam chye lu ai. Ndai aten laman hta, ‘General Audience, tingkyeng, hte laksan lamang ai ni yawng hpe jahkring da rai nga ai. August 5 ya shani hta ‘General Audience’ bai galaw hpang na rai nna, Laban shani na ‘Angelus’ hpe gaw San Petru htingnu kaw na nrai, Castel Gandolfo kaw nna akyu hpyi na re.
Ndai ndau shana ai hta, Wa Sarabyin gaw 2025 ning hta Castel Gandolfo mare hta ginhtawng aten hta ng alai wa ai hpe mung bai myit dum shangun ai, dai aten hta shi gaw hkring sa ai aten hpe Sasana magam bungli ni hte kayau kaya galaw ai, dai hta ‘Borgo Laudato Si’ kaw Missa hkungga galaw ai, buga Jau ginwang ni de sa du kawan ai, Volodymyr Zelensky zawn re ai ahkyak ai ningbaw ningla ni hte hkrum shaga ai lam ni lawm ai. Chyoi Pra ai lamu ga hta nga ai mungdan masa lam hte seng nna, Benjamin Netanyahu hte Mahmoud Abbas yan hpe mung phone hku nna tsun shaga ai lam galaw lai sai rai nga ai.
