Daini na Ja Chyum Mungga hpe hti sumru yu ai shaloi e, Tinang a Wudang hpai let nye a hpang e n hkan ai wa gaw, ngai hte n ging n dan nga ai nga ai ga hpe na la lu ga ai. Daini na chyum mungga daw gaw, Karai Kasang a sumsing mungdan a dinghku nta masha ni a mabyin lam hpe asan sha mu mada lu ai mungga rai nga ai. Shawoi e byin nga ai madang hta grau nna, mu mada lu nga ai. Dai majaw mung daini na chyum mungga hku nna, Madu Karai a sumsing mungdan kaw nga ai dinghku masha ni hpe grau dam lada ai hku maga hku mu lu ai rai nga ai.
Dai hte maren sha hkristan prat a asak hkrun lam ngu ai gaw, shawoi na dinghku ni hta e grau nna, tawt lai ni htep ai lam, matut mahkai ai lam ni hta, grau tawt lai ai hku mu mada ra nga ga ai. Shingrai nna, anhte marai hkum shagu hta nga nga ai makam masham ningmu ni hta mung grau nna, matut manoi rai nga ai. Kawa Karai Kasang gaw, anhte yawng a Kawa rai nga ai zawn, anhte yawng mung kahpu kanau ni rai nga ga ai. Ndai zawn ai matut mahkai ai lam rai nga ai.