Daini na Ja Chyum Mungga hpe hti sumru yu ai shaloi e, myit malai n lu ai mare ni hpe shadum ai lam na la lu ga ai. Anhte ni Galilea mare hta n nga ai raitim mung, Karai Kasang a tsawra myit hpe Sakramentu hku nna, Chyum mungga hku nna, bai kaga masha ni a matsan dum lama ai lam ni hkam la lu ai hte, wenyi a shadut ya ai chyeju ni a marang e hkam la lu nga ga ai. Raitim mung dai chyeju ni hpe manu n shadan, myit malai lu hkra mung n shakut ga ai. Part hpe galai shai ai lam n nga, nga pyaw len taw ai gaw wunli n lu nna, Madu Yesu gaw anhte hpe jahkrit kajawng ai hku n rai tim pyi, shi Madu a chyeju hkam la nga ai raitim mung, dai chyeju ni a matu lik kaba nga ga ai hpe chye na ra ga ai.

Karai Kasang kaw na shaman chyeju law law hkam la lu dingyang gaw, dai chyeju lu la ai hkrun lam hta grau nna, shagrit shanem ai hte mai kaja ai lam de galai shai nga na matu lit nga nga ga ai re. Karai Kasang jaw ya nga ai shani shagu na shaman chyeju ni hpe chyeju dum chye ai hte madu a kaja ai wenyi prat hkrun lam a matu ngang kang sa let, shi madu hpe chyeju htang nga sa chye ra ga ai law.