Na a prat hpe n-gun ja ai masha ni hkan tam nga ai hpe chye yang nang hpa galaw na kun? Teng sha nga yang, Yesu galaw ai zawn nang mung galaw na re: Nang mung shim lum ai shara de htingnut mat na re. Raitim, shi a asak hpe hkrit tsang hpa byin nga sai raitim, shi a matsan dum lama ai lam ni hpe matut galaw nga ai Yesu hte n bung ai. Nang gaw na a prat hpe makoi magap nna makawp maga ai hta lai nna hpa mung nlu galaw na re, ndai gaw Yesu hpe anhte yawng hte garan ginhka ai lam rai nga ai.

Yesu a matu grau kaba ai kaja ai lam gaw Shi a asak hpe makawp maga na matu n rai, SHI grai tsawra ai amyu masha ni hpe matut nna daw jau na matu rai nga ai. Ndai SHI a amyu masha ni hpe tsawra ai myit gaw hpang jahtum e wudang ntsa hta SHI si hkam ai aten du hkra rai nga ai.

Raitim, anhte yawng gaw, anhte a shinggyim masha ni a matu, anhte a asak hpe pyi jaw kau na hpe hkrit ga ai n re. Kaga masha ni asak hkrung nna lawt lu na matu, tinang a asak hpe n myit mada ai sha ap nawng kau ai ni mung nga ai. Ndai lam hpe anhte a matu tinang hkum hpe n-gawn n sawn galaw ai anhte a share shagan ni gaw kaja dik htum kasi madun dan nga ma ai.

Dai majaw anhte mung Yesu zawn rai nga ga, Shi a sasana magam bungli a matu anhte a aten, sutgan hte anhte a asak hpe pyi jaw kau na matu n hkrit ga. Hpa majaw nga yang, lani mi hta anhte gaw kaja ai Madu kaw na anhte a shabrai hpe dan la lu na re. Daini na anhte a prat hta n lu la na re.

Raitim, ndai mungkan hta anhte a hkrun lam ngut nna, hpang jahtum sumsing lamu hta teng sha hkam la lu na re.