Kawa langai gaw shi a madu jan hte shi a kasha ni hpe Laban Missa hkungga sa na matu galoi mung shadum ya nga ai, raitim manghkang gaw kawa gaw lam n woi awn ai lam re. Shi a dinghku masha ni hpe Missa hkungga sa na matu hkang da ai raitim, shi gaw Missa hkungga n sa ai.Kawa gaw shi hkaw tsun ai lam hpe n hkan sa ai majaw shi a ningbaw ningla lam hta hkrat sum mat ai.

Na a makam masham hpe atsawm sha gara hku tsun dan lu na kun? Na a makam masham a hkrung nga ai kasi ningli tai ai hku nna re. Nang hkaw tsun ai lam hpe galaw ai hku nna mung myit masin san seng ra ai. Ga shadawn, na a dinghku hpe Chyoi Pra ai Missa hkungga sa shangun mayu yang shawng nnan woi awn nna lam madun ra ai.

Ndai gaw hpa lachyum rai kun? Nang hkum nan Missa hkungga sa ra ai, nang shawng rawt nna bu hpun sumli ra ai. ndai ningbaw ningla galaw ai lam ni hku nna, na a dinghku masha ni a hkungga lara lam hte rau jawm galaw ai lam hpe nang lu la na re.

Dai ni na kabu gara shiga hta Yesu gaw kasi ningli hte daw jau ai hku nna woi awn ai lam hpe tsun da ai. Ndai lam gaw ningbaw langai mi gaw aten langai hta sha mayam langai mi mung gara hku tai lu na ngu ai gaw nhtan shai ai lam zawn rai nga ai. Raitim, ndai lahkawng hta nhtan shai ai lam n nga ai. Langai n lawm yang kaga langai n mai nga ai ngu ai asan sha re ai lam a majaw, kaja dik htum manang ni zawn rau hkawm sa ma ai.