Daini na Ja Chyum Mungga hpe hti sumru yu ai shaloi e, Hpilip hte Nahtanael hpe Yesu shaga la ai lam hpe na la lu ga ai. Kanu num hpawmilangai mi gaw, nat hkyung nna, machyi kaba hkrum nga ai shi a kasha hpe shamai shatsai ya na matu, akroi anoi hpyi shawn nga ai. Madu Yesu gaw n ra sharawng ai zawn tsun nga tim mung, grai si mani kya la ai masin salum madu nan rai nga ai majaw, dai hpawmi a kam hpa sung la ai makam masham hte shagrit shanem ai majaw, tsi shamai ya sai. Shi shagrit shanem ai, jet ai akyu hpyi ga si ni a majaw akyu hkam sha lu nga sai.
Madu Karai a hkye la ai amu magam lam hta, Madu lata da ai, (sh) ga shaga da sai myu masha ni a matu ngu ai madang kaw nna, mungkan masha ni yawng a matu rai nga ai ngu ai hpe e masha yawng gaw chye madat wa ai. Bai yawng mung hkap la lu wa sai re. Shingrai shiga madat ni anhte yawng mung, Madu Yesu a Daw sha poi hta shang lawm lu hkra saw shaga nga ai hpe anhte yawng hte, sadi maja ala nga let, akyu hkam la nga ga law.
Dai ni gaw, San pra ai Bartholomew a poi ninghtoi shani mung rai nga ai. San pra ai Bartholomew a mying hpe la da ai ni yawng hpe mung kabu gara ai poi shani rai u ga ngu kyu hpyi ya dat ga ai law.