Daini na Ja Chyum Mungga hpe hti sum ru yu ai shaloi e Yesu a dinghku masha majing ni hpe chye la lu ga ai. Dai ni e Madu Yesu gaw shi hte gara hku jinghku daw ang ai hpe tsun dan nga ai. Madu Yesu hpe kan hta sa rawng nna, shangai wa na a hkaw ahkang hpe gaw, Nu Maria shi langai chyu sha dai ahkaw ahkang hpe lu la ai rai nga ai. Raitim Madu Yesu gaw, kaga lam langai mi bai jaw ya nga sai. Dai gaw shi Madu a tara mungga ni hpe na la nna, hkap lang hkan shatup sa ai ni yawng hte gaw, shi a kanu hte shi a kahpu kanau ni nan rai nga ai nga nna, asan sha tsun tawn da sai re.

 Nu wa hpu nau ni e, Madu Yesu a mungga gaw, hkan lang hkan sa na matu loi ai zawn nga tim mung, yak la nga ai. Atang sha zawn raitim, sung la nga ai. Bai grai dam lada ai zawn rai tim, gyip la nga ai. Raitim mung Chyoi pra ai wenyi a hpung dagu a tsam hte hkan sa ai rai yang gaw, Madu Yesu hte jinghku daw wa na rai nga ai. Shingrai anhte ni nawku hpung a sakramentu chyeju kumla ni hpe hkam la ai a jaw e mung, Madu Yesu a kashu kasha ni byin na ahkaw ahkang nga nga ga ai. Dai re majaw anhte yawng lahta de na la sai hte maren, shi Madu a mungga hte, tara lam ni hpe ta tut hkan sa let, Madu Yesu a kasha majing ni tai nga lu hkra shakut sa nga ga law.