Dai ni na Ja Chyum Mungga hpe hti sumru yu ai shaloi e, Yesu a lam Petru yin la ai lam hpe na lu ga ai. Ya dai ni Madu a mungga hta, Simon Petru gaw Madu Yesu gaw Karai Kasang a Madu Yesu nan re nga tsun da nga ai. Ndai zawn jaw hkrak ai mahtai hpe gaw, chyoi pra wenyi tsun dan yang sha anhte shinggyim masha ni chye lu na rai nga ai. Sumsing mungdan lam hte seng ai lam ni grai sung la ai majaw, anhte ni a bawnu nyan marai hte chye lu na matu gaw, grai nan yak la nga ai.

Dai hta sha n ga, Karai a kasha gaw, mungkan ga hpe pyaw len nga na matu n rai, ruyak jam jau hkam na hte si ai hpe hkam ra na matu, bai masum ya na ai hpang, bai hkrung rawt na re ai lam hpe tau nau nna, hkaw tsun da nga sai re. Dai ru yak shoi hpa lam ni hpe Madu Yseu gaw, grai jam jau hkra hkam sai rai tim mung, ndai mungkan hte mungkan masha ni gaw, Madu Yesu a si hkam ai lam hpe awng dang lam hpe n lu hkum da nga ai. Hpa majaw ta nga yang e, Madu Yesu shi langai chyu sha si ai hpe awng dang lu ai wa re. Ndai mabyin lam ni a majaw, Petru gaw, Yesu a lam ni mahkra hpe yin la ai mung rai nga ai.