Daini na Ja Chyum Mungga hpe hti sumru yu ai shaloi e, Karai a mungdan e kaba dik ai wa hte Yesu amying hte nat hkyawt ai masha a lam ni hpe na la lu ga ai. Masha shagu hta e galu kaba mayu ai myit rawng nga ai lam hpe dai ni na chyum mungga hta tsun da nga ai. Bai masha shagu a myit kraw hta e mung ningbaw tai mayu ai myit hte madat mara mayu ai myit ni rawng nga ai. Madu Yesu gaw Kasa ni hpe shaga da nga ai. Dai majaw shanhte ni kaw na kadai wa mahtang gaw kaba dik ta nga nna, Madu Yesu kaw san da ma ai.

Shingrai Madu Yesu bai htan ya ai gaw, kaba dik ai wa tai mayu ai rai yang, shagrit shanem ra ai hte masha ni hpe ap nawng daw jau ai galaw ra lam tsun da nga ai. Dai gaw yak yak hkak hkak hkan sa ra ai lai kyang langai mi nan rai nga ai. Bai Madu Yesu a mying ningsang hpe gang nna, mai kaja ai lam ni hpe galaw sa ai ni yawng hte mung Madu Yesu a ningrum ningtau ni nan rai nga ai. Shing nga nna, Madu Yesu gaw, asan sha tsun ndau da nga ai. Dai majaw sasana hpe adawt ninghkap ai ni chyawm gaw, Madu Yesu hpe ninghkap ai ni nan rai nga ai. Shiga madat nu wa hpu nau ni, Dai ni gaw, San pra ai Lawrence Ruiz hte manaw manang ni a poi ninghtoi rai nga ai. Ndai San pra ai ni kaw kam hpa let chyeju ni hpyi la nga ga law.nga ga law.