Daini na Ja Chyum Mungga hpe hti sumru yu ai shaloi e, Hpilip hte Nahtanael hpe Yesu shaga la ai lam na la lu ga ai. Dai ni e gaw, Madu Yesu a lit magam ni hpe hkan galaw gun hpai nga ai lamu kasa marai masum a poi ninghtoi hpe galaw nga ga ai. Shingrai Nat tsadan hpe awng dang lu ai lamu kasa Micheal, ana zinli ni hpe shamai ya ai Rahpael, bai Madu Karai a shiga ni hpe tsun shana ya ai, lamu kasa Gabriel ni rai nga ma ai. Ndai lamu kasa kaba ni nga ai majaw, anhte ni Karai Kasang a kashu kasha ni byin tai lu ai ahkaw ahkang ndai gaw, Karai Kasang jaw ai lak san shaman chyeju san san nan rai nga ga ai.

Anhte ni gaw ra rawng gawng kya la ai shinggyim masha ni rai nga ga ai majaw, lamu mungdan na makawp maga ya ai ni hpe Karai Kasang shangun dat ya ai lam rai nga ai. Dai zawn Karai Kasang galaw ya ai lam gaw, ndai mungkan masha ni mahkra sumsing mungdan de bai shang wa lu na matu yaw shada ai lam madung rai nga ai. Bai nna, Nat tsadan ni e hkalem kau ai kaw na mung tsan gang lawt lu na matu yaw shada nna, anhte mungkan  ntsa de lamu kasa kaba masum hpe dat dat ya ai rai nga ai.