Daini na Ja Chyum Mungga hpe hti sumru yu ai shaloi e, Ahkyak dik ai tara lam ni hte kaja ai Samaritan masha a ga shadawn lam ni na la lu ga ai. Dai ni na Karai a mungga hta, ninggawn chyalai Madu Karai hpe myit masin mahkra nyan atsam marai mahkra hte tsawra na matu hte ni htep ai ni hpe tsawra na matu, kaja ai Samaritan a ga shadawn hte tsun shadum da nga ai. Ya daini na prat hta e, kaja ai Samaritan zawn re ai masha pru wa na ra nga ai. Hpa majaw nga yang, majan a majaw, shingra hpyen amyu myu a majaw, masha shada da rawt malang ai a majaw myit masin hkum hkrang ni hta e, ningma lu ai ni rai nga ga ai.

Dai rai yang e, nang mung kaja ai Samaritan zawn matsan dum lama ai myit hte garum shaingtau ya ai wa rai lu na kun? Shing n rai nang hkum nan garum shingtau ya ai wa hpe ala taw nga na kun? Anhte a makam masham gaw, magam bungli lawm ai makam masham rai ra ai nga ai hte maren, dai mabyin lam yan hpe matsan dum lama ai myit hte, teng sha ta tut magam bungli galaw sa na matu sharin ya nga ai re. Dai majaw myu ru sai hte makam masham n ginhka, Karai Kasang a tsawra myit hpe kaga masha ni hpe ninghtoi tai ya let, lam madun woi awn sa lu ai ni byin tai na matu saw sahga nga ai. Tsawra matsan dum lama ai magam hte, garum shingtau ai magam bungli ni hpe galaw sa na matu mung ja ja ninggun jaw ya nga ai.