Daini na Ja Chyum Mungga hpe hti sumru yu ai shaloi e, Hparishe ni hte laika ka ai sara ni mara lu ma ai lam hpe Yesu tsun ai lam na la lu ga ai. Madu Yesu lu sha n sha shi yang, lata shawng n kashin ai hpe Hparishe wa mu ai shaloi mau nga ai. Madu Yesu dai hku galaw ai lam gaw, Hparishe ni hpe mara shagun tsun jahpyak na ahkaw ahkang langai mi hku galaw  dat ai rai nga ai. Hparishe ni a myit magaw ai, jahpai ai hte ntsa lam garum matum lam galaw ai lam hpe tsun shatan nna, myit salum wenyi hpe san seng ya lu ai kraw kata galai shai na ra nga ai lam hpe madung tsun da nga ai.

Hka gawm, shat ban ni a shinggan maga de kashin shatsai na hta, tsawra myit majing hte matsan dum lama ai lam galaw sa na matu, rapra ai tara nga na matu, masha shada chye na matsan dum garum shingtau hkat ai hte kaga masha ni hte shada da matut mahkai ai hta, Madu Karai a tsawra myit hte dingman ai lam hpe kasi la ra ai lam madun ya sai. Ndai lam mahkra gaw, jet ai nawku daw jau ai hta e, n nga nan n mai ai lam nan re. Anhte a nawku daw jau ai lam gaw, nawku htung tara ni hpe hkan sa ai hte sha gaw, n hkum zup nga ai. Matsan dum lama ai magam bungli ni, tsawra matsan dum chye ai lam mai kaja ai kaga garum shingtau ai magam bungli ni law law hpe mung anhte ni galaw shakut na ra nga ga ai.