Tinang A Dawdan Ai Lam Hte Tinang Galaw U

Tinang a daw dan ai lam hte tinang galaw na ngu ai lam gaw, shawng nnan hku nna, tinang a dinghkrai magam bungli rai taw nga yang she mai na rai nga ai, dainghkrai bungli galaw ai masha langai hta, magam bungli kaji kaba hta hkan nna, byin pru wa na, yu yak lam ni, mai kaja lam ni hpe hkam hkam jan lu ai atsam nga ra ai zawn, madu hta,ningtawn myit sawn atsam lam ni nga nga na mung ra nga ga ai.Dinghkrai magam bungli galaw na langai hta, madung lam yan gaw, galaw gwi ai myit marai rai nga ai, tinang n galaw shi ai kaw na galaw sa gwi ai myit nbyin pru nga yang, dinghkrai bungli madu hku myit sawn lu na pi nrai nga ai, dinghkrai magam bungli galaw nga ai ni hta, malawng maga gaw, shawng de magam gun langai hku galaw ga nna, magam dap kat masha law malawng hta grau mu mada chye ai wa, masha ni a bungli hta, galaw taw nga ai lam hpe nra sharawng ai wa, magam dap kata dip da hkrum ai lam hpe nra sharawng ai ni chyu sha byin chye nga ga ai. Mi kaw na dinghkrai magam bungli galaw mayu ai ni gaw, arang langai nga nga chyalu ni hte  kanu kawa shing nrai makin jinghku ni a garum madi shadaw lam ni a majaw galaw nga ai ni mung rai nga ai

Grau nna madung hta, tinang hkrai tinang galaw shakut galaw nga ai dinghkrai galaw nga ai ni hta sha  lam shagu hta ningtawn nga ai hpe mung mu mada lu ai, dinghkrai magam bungli langai hpe kadai wa a garum shingtau ai lam nlawm ai sha, tinang a myit sawn ai lam, gin shalat daw dan ai lam ni hte galaw ai magam bungli gaw tinang a matu mung lachyum rawng dik htum mai kaja dik htum rai nga ai dai hta, daw dan jahkrat ai lam hta nngang kang ai ni hpe, arang langai jaw nna galaw yu na nga yang dai magam bungli gaw awng dang na matu yak nga na re.Dinghkrai magam bungli langai awng dang na matu yak hkak nga ai sha n nga, aten ladaw langai laman hta ngang ngang tsap lu na matu shakut ai lam hta nloi la nga ga ai, dai zawn yak hkak ai lam ni hpe, awng dang hkra n kam shaku tai ni hte nnan kaw na galaw gwi ai myit marai nnga ai ni gaw dinghkrai magam bungli madu prat de galaw na ngu ai myit sawn lam ni mung nnnga nga chye ga ai re.

Ndai zawn re ai masha ni a majaw, dinghkrai magam bungli madu ngu ai lam yawm nga taw shi ai mung rai nga ai, teng sha tinang gaw masha wa a magam gun hku nna, galaw nga taw ai nga yang tinang a daw dan jahkrat ai lam hte tinang galaw lu ai ahkang lu nga tim, shadawn shadang langai kaw na sha galaw lu na rai nga ga ai re, dai majaw dinghkrai daw dan ai lam ngang grin nna madu hkum madu kam ai lam 100 hpring hpring nga taw ai masha wa ni chyu sha dinghkrai magam bungli  madu prawt de ra sharawng ai ni ngu nna mung tsun na nshut nga ga ai, dai zawn dinghkrai magam bungli ni hta, gawng kya ai lam law law nnga nga tim, dan dawng kaja ai lam ni gaw, tinang a galaw lu ai atsam ni a ntsa shai hkat nga chye ga ai, dinghkrai bungli madu prat ngu ai lam gaw, tinang a kraw kata hkrang kaw nan myit n’gun hping lu shangun ai jai lang ai lam langai rai nga ai, tinang zawn mabyin masa bung ai lam ni a lapran Dinghkrai Magam Bungli Madu ngu baw sharawt lu ai mabyin langai hta nga nga ga ai dai zawn dinghkrai bungli madu ngu ai sak prat hta madu hkum sha madu a magam bungli a, dawn dan jahkrat galaw lu ai lam byin nga ai lam gaw kadai mung ngyeng nlu nga nga ai

Dinghkrai magam bungli madu ngu nna sha madu hkum madu hkam la dat yu u, lam yan shagu hta nga nga taw ai lam, byin taw nga ai  myit marai ni gaw, lam yan maga shagu hta n gun ja wa ai lam hpe mu mada lu nga na gaw teng sha rai nga ai, dai zawn madu hkum madu hkam la dat sai nga yang, tinang a daw dan jahkrat ai lam hku sha magam bungli a ntsa myit maju jung wa lu nna, awng dang hkra mung woi awn sa ra na rai nga ga ai, tinang a magam bungli langai gaw awng dang ai masa maga du taw nga yang she, madu a daw dan jahkrat ai lam ni mung tinang galaw taw nga ai lam ni hte htap htup rapra hkra bungpre nga taw na rai nga ai ngu

#youth

#rvakachinservice