Daini na Ja Chyum Mungga hpe hti sumru yu ai shaloi e, Aten ladaw a kumla hpe chye hti la mu nga ai lam tsun da nga ai. Shinggyim masha ni gaw, shingra tara a mabyin lam ni hte mungkan a lam ni hpe lachyum shapraw ai hta grai kung kyang ma ai. Du hkra ladaw a hkrang hpe mada yu nna, tau nau tsun lu ai zawn, anhte ni hkrum katut wa ai mabyin lam ni hte, manghkang ni a lapran e Madu Karai nga nga ai. Shi Madu lam madun ya ai re ngu ai hpe chye lu na matu daini na kabu gara shi hta e sharin ya nga ai.

Shingrai tara agyi wa kaw rai n du shi yang, hpyen wa hte shawng jahkrum prinem na, dai mang hkang prinem hkra aten dep sang lang na lam ra ahkyak ai hpe mung tsun da nga ai. Bai Madu Yesu gaw, anhte ni a matut mahkai lam hta e, simsa lam hpe madun dan na matu hte, bai hku hkau wa na matu hpe mung madung da galaw sa wa na matu ningun jaw shadum ya nga ai. Dai rai nna, shada n ru n ra re ai mang hkang mabyin ni hpe shawng n lu hparan ai rai yang, anhte a wenyi lam a galu kaba wa na hta dingbai dingna byin wa lu nga ai. Bai Karai Kasang a tsawra ai matsan dum lama ai hte mara raw ya ai ahkaw  ahkang ni kaw nna mung, dinglut mat wa na rai nga ai. Hpang jahtum e je yang daw dan ai hkrum wa na hpe mung sadi jaw da nga sai re.