Daini na Ja Chyum Mungga hpe hti sumru yu ai shaloi e, hkik hkam ai daw sha poi a lam na la lu ga ai. Yesu gaw Wu dang n tsa e si hkam ai du hkra madat mara let, Tinang a hkum hpe shagrit shanem ai (phi 2: 7,8). Daini gaw San pra ai Martine a poi ninghtoi rai nga ai. Shi gaw Madu Yesu zawn, madat mara ai hte shagrit shanem ai hte shi a prat hpe ap nawng ai wa re. Shi gaw Chyoipra Hkum Sakramentu chyeju kumla hpe nawku daw jau ai. Bai n hkring n sa akyu hpyi ai wa mung re. Amyu ru sai n ginhka, reng power n lata ai. Shinggyim masha yawng hpe tsawra matsan dum ai. Du sat du myen ni yawng a ntsa e mung, tsawra matsan dum chye ai wa re.