Karai Kasang hpe shakawn kundawn ga, shi gaw anhte hpe galoi mung nkau da ai
Wa Sarabyin Francis kawn lai wa sai bat na Angelus hta shi tsi rung lung nga ai laman hta shi hkum nan hkrum sha nga ai mahkrum madut ni hte shi hpe yu gawn lajang nga ai lam gaw “htoitu ai myit mada lam a kum la” (shining sign of Hope) re ai hpe myit sawn sumru lu ai lam tsun lai wa ai.
Ndai zawn re ai mau hpa hpraw nsam galai shai ai hta Madu Yesu gaw shi hkum nan akyu hpyi ai lam hta myit yawng ap tawn da ai hte shi a hkum hta na nhtoi htoi tu wa ai lam re hpe Wa Sarabyin kawn Angelus hta anhte ni hpe myit sawn yu na matu tsun lai wa ai. Ndai lam hku nna Madu Yesu gaw shi a Kasa ni a man e shi galaw dan ai lam a hpang hta makoi magap nga ai gaw n mu lu ai hku na “shi a nhtum ai Tsawra myit a nhtoi anhte hpe madun dan ai lam re ai hpe tsun lai wa ai.
Wa Sarabyin kawn ndai zawn re ai “myit aru yu na lam” gaw shi hte rau machyi makaw hkrum nga ai ni hpe “san jep ai ladaw” hku re ai hpe myit sawn sumru lu na matu myit shadut ya nga ai lam re hpe tsun lai wa ai. Tatut hta anhte a hkum hkrang n gun gawn kya nga ai rai tim ya na zawn kam sham ai lam hta anhte shada da langai hte langai Myit mada hkat ai lam nhtoi kumla rai taw ai, tinang hkum tinang ap jaw ya ai, kyu hpyi ya ai hte tsawra nga ai lam ni kaw nna anhte hpe gadai mung n mai pat shingdan ya nga ai hpe tsun lai wa ai.
Wa Sarabyin Francis kawn Tsi rung ni hte yu gawn lajang nga ai shara ni hkan “nhtoi” (light) htoi tu nga ai, bai nna shagrit shanyem dik ai hku nna karum ya nga ai shara ni yawng hkan gaw
“Tsawra myit kumla” (Love) re ai hpe madun da let anhte marai hkum shagu hpe galoi mung n kabai da ai Karai Kasang hpe shakawn kundawn na matu saw shaga ai hte anhte ni myitru yawn hkyen nga ai ten anhte a makau hta sa nga ai masha ni gaw Karai Kasang a tsawra myit nsam anhte hpe shadan shadawn dan ya nga ai lam re hpe tsun lai wa ai.
Wa Sarabyin Francis kawn Shi a matu akyu hpyi ya nga ai ni yawng hte shi hpe Gemelli kaw alak mi hku sa kawan ai ma ni (children) hpe chyeju dum ai lam tsun lai wa ai. Wa Sarabyin Francis kawn nanhte yawng hpe tsawra ai hte nanhte yawng rau hkrum lu na matu myit mada nga ai lam hpe mung tsun lai wa ai.
Nawku hpung hte Simsa lam a matu akyu hpyi ga
Wa Sarabyin kawn Angelus tsun shangut wa ai hta kyu hpyi ai lam hpe myit sawn let No langai hku nan Mungkan ting a Simsa lam a matu kyu hpyi ya ra ai , grau nna majan a majaw jam jau jam hkau hkrum sha nga ai mung dan ni rai nga ai Ukraine, Palestine, Israel, Lebanon, Myanmar, Sudan and the Democratic Republic of Congo ni a matu kyu hpyi karum ya na hpe tsun lai wa ai.
Hpang Jahtum hku nna rau Sasana hkrun lam hkawm nga ai hte tatut hkrang shapraw galaw nga ai Nawku hpung a matu kyu hpyi ya let shangut lai wa ai
