HTAI YA AI WA – Wa Jau Dr. Joseph Gawlu Yung Wa
GA SAN– Nta kaw mahkawng da ai htam shi gumhpraw hpe jau ginwang de n ap ai sha, machyi makaw ai gumgai dingla ni hpe jaw yang mai na kun?
HTAI – Madalena Gawlu Kaw Yawng e, Alu ngu ai hpan amyu myu nga nga ai: Hpung alu, Hkrismat poi alu, nawku jawng gawgap alu zawn re ai ni; yaw shada ai lam n bung ai ni a matu lahkawn ga ai.
Raitim, Htam Shi 10% ngu ai gaw (Ga Shaka Dingsa hta) Karai Kasang nan, shi a amyusha ni n bang n mai ngu nna hkang da ai kang rai nga ai. Dai kang hpe hkyinjawng ni hte nawku htingnu (makam masham) magam bungli galaw ai ni hpe bau na matu rai nga ai. Ya, anhte a prat hta mung, Nawku Hpung hku nna htam shi bang ga nga jang gaw, tup hkrak bang ai gaw kaja dik rai nga ai.
Myitkyina Saradaw Sasana hta, Jau ni mung tinang lu la ai Missa alu ni a htam shi hpe Saradaw ginjaw rung de bang na tara nga ai, bang ra ai. Nawku Hpung a ga matsun hpe madat na sut la nga ai.
Gumgai dingla, matsan mayan ni hpe kaga lam hkum garum la ga ngu nna htai ya dat lu ai.
San ai wa – Prang Hkudung Jau Ginwang, San Pawlu Sara Ninghtawn, Loiying mare hta nga lai wa nna, ya ten, hpyen majan a majaw Pang Hkak Jau Aseng, Loi Je – Seng Ja RC camp kaw shanu nga ai, Jan Madalena Gawlu Kaw Yawng
