Wa Sarabyin Leo XIV gaw, Kasa ni a Tara Upadi “Praedicate Evangelium” hku nna gram lajang ai Roma Curia a Tara Upadi nnan hpe shapraw na matu myit hkrum ya sai.
Roman Curia a tara upadi hte dai wuhpung langai hprai a magam gun ni a tara upadi hpe November 24, bat Langai Ya shani shapraw dat sai. Dai ni hpe, November 23, Laban shani, Wa Sarabyin Leo XIV kaw nna, Hkristu Hkawhkam Poi hta, lata masat htu da sai.
Roman Curia a tara upadi gaw, Hpung ni hte Rung ni rai nga ai; Roman Curia hpe hpaw shabawn da ai, Mungdan a Amu Madu Rung, Saradaw kaba ni a hpung, Tara Rung, Sut Masa hpung ni rai nga ai.
Ndai Regulation of Personnel gaw, Mungdan Amu Madu Rung, Dicasteries, Roman Curia hpe hpaw shabawn da ai Hpung ni hte Rung ni, Chyoi Pra ai Wa Sarabyin rung hte matut mahkai ai wuhpung wuhpawng ni hta magam gun nga ai magam gun ni hte seng ai wuhpung wuhpawng, tara masa, sut masa masa lam ni a tara masa ni re ai lam hpe chye lu ai.
Ndai Tara Upadi nnan gaw, 1999 ning April shata 15 ya shani Wa Sarabyin San Yawhan Pawlu II kaw nna myit hkrum da ai tara ni a shara hta bai gram galai ai re lam hpe chye lu ai.
2022 ning March shata 19 ya shani na Kasa ni a Tara Upadi ‘Praedicate Evangelium’ hta, n nga mat sai Wa Sarabyin Francis tang madun da ai galai shai ai lam ni, hpaji jaw da ai lam ni, masat da ai lam ni hpe hkan sa galaw ai lam rai nga ai.
