HTAI YA AI WA – Wa Jau Dr.Joseph Gawlu Yung Wa

GA SAN 1- Anhte Kahtawlik Num/La hkungran ga shaka la sai ni, Num/La n hka ai sha manang wa a Num/La re ai hpe chye nga ninglen tsawra hkrup yang, Chyoi Pra ai Hkum mai hkam ai kun?

HTAI – Tara Kanu Lam Shi, nambat (6) hta “Masha a num hpe hkum shut hkum hpyit et!” nga nna jep da nga ai. Dai gaw mara kaba rai sai; myit malai mara raw kau nna she Chyoi Pra ai Hkum hpe hkam la ga.

GA SAN 2- Hpa majaw anhte Kahtawlik num ni manang hpung hta hkalup hkam kau jang hpa majaw shayi sharawt poi hta kyu n hpyi ya ai kun?

Htai – Kanu Kahtawlik Nawku Hpung hta Chyeju Kumla ni ngu ai Sakrament (7) hpe tsang the tsang hkam la ra ga ai. Tinang Kashin Kamun Chyeju Kumla hpe hkam la da chyalu, Hkalup hpung kaw hkaplup bai hkam la ai, hpung shang nang mat ai rai yang gaw, lahta e tsun da ai kaga chyeju kumla ni hpe mung shi nyet kau sai rai nga ai.

Grau nna, Chyoi Pra ai Hkum Chyeju Kumla hpe anhte hkam la ai shaloi, anhte hpung masha ni shad mung, Madu Hkristu the mung langai sha rai jawm pawng mat wa ai ngu nna kam sham ga ai.
Kaga Protestan hpung ni law law nga tim, shanhte gaw kanu Kahtawlik Nawku Hpung the shadang tup kahkyin gumdin ai lam n nga shi ai.

San Ai Wa – Zaubung Jau Gyinwang, Man Pying Hka-nu Yang mare kaw shanu nga ai, Lucia Hpauyam Hkawn Ra