Myit Mada Bandung hta Bu hkawm sa ai Jubilee hkrum zup hpung hpe Malaysia Mungdan Penang Muk lum hta November 27, 2025 ya shani tara shang hpaw hpang dat sai. Lamang hpe 3:30 PM (Malaysia buga aten) hta tara shang hpaw poi galaw la lu sai.

Ndai lamang ngut ai hpang, makam masham hpung masha ni gaw, Wa Saradaw kaba Cardinal Sebastian Francis woi awn nna, sa du shanglawm ai Cardinal ni, Saradaw ni, Jau ni, Myamar mung kaw na dak kasa hpung ni yawng, Chyoi Pra ai Missa Hkungga hpe galaw lai wa ma ai.

Ndai hpawng hpe Asia Mungdan Saradaw ni a Zuphpawng Hpung a Kabu Gara Shiga hkaw tsun rung (FABC OE) a Ningbaw Wa Saradaw George Pallipparambi S.D.B. hku nna woi awn lai wa ai.  

Dai shana na Missa Hkungga hta wenyi mungga hpe, “Myit mada lam hpe bai gram lajang ai hkrun lam hta n bung ai lam hku hkawm sa ai” ngu ai gabaw hte, cardinal Luis Antonio hkaw tsun lai wa ai.

Program hpe shana hkying 9:30 PM hta ngut kre la lu sai. Lamang hta sa du ai ni yawng hpe shana shat hte Ka hkrang ni galaw lai wa ai lam chye lu ai.