Asia mungdan shara shagu na Kahtawlik hpung masha ni gaw, Malaysia mungdan, Penang mare na San Pra ai Anne a Minor Basilica hta ‘Myit mada bandung hta rau bu hkawm sa ai’ ngu ai hkrum zup hpawng a chyeju dum Missa hkungga hpe nawng jau la lu sai.

Chyoi Pra ai Missa hkungga hpe Vatican Dicastery a Kabu Gara Shiga shachyam shabra dap kaw na Pro-Prefect rai nga ai Cardinal Luis Antonio G.Tagle woi awn nna, ginra shara shagu na Cardinal ni, Saradaw ni, Jau ni hte hpung masha ni sa du shanglawm ma lai wa ma ai.