Kahtawlik Sasana, Myitkyina Saradaw Ginwang, Karuna Bawngring Magam Dap ( KMSS-Myikyina ) 25 Ning Hpring Chyeju Dum Missa Hkungga hte Karai Kasang a chyeju hte gaw gap la lu sai St. Francis Jubilee Htingnu hpaw shaman poi lamang hpe ( 29. 11. 2025 ) ya shani angwi apyaw galaw la lu sai.
Wa Saradaw John Mungga La Sam tsun ai mungga hta
KMSS Myitkyina, Karuna bawngring magam dap gaw Saradaw a lagaw lata tai ai magam dap re.
Karai Kasang a tsawra myit garan kachyan ai magam bungli rai nga ai.
Daini nanhte a lata hku nna masha law law tsawra myit hkam la lu sai.
Daini nanhte anhte Karitas Karuna rung kaw magam bungli galaw nga ai gaw nanhte hpe Karai Kasang jai lang ai majaw re, Karai Kasang a myiman hpe yu nna, Karai Kasang a shaman chyeju hpyi la nna, yawn hkyen hkrum nga ai ni a myiprwi hpe katsut ya u,
kaw si hkrum nga ai ni hpe Karai Kasang a myiman hte lu na, sha na garum jaw u,
nga nna n’gun jaw, shatsam ga tsun lai wa ai.
St. Francis Jubilee Htingnu gawgap da ai a yaw shada lam gaw ndai gawknu ginra hta makam masham hpe sharin na, bawng ring lam sharin ya na hpe yaw shada ai re lam Wa Jau Paul Kinsa Tu Awng kaw nna tsun lai wa ai.
Chyeju dum Missa Hkungga ngut ai hpang, KMSS-Myitkyina Karuna rung lit hkam magam hpe gun hpai nga ai Wa Jau Paul Kinsa Tu Awng kaw nna Karuna rung Director lit magam hpe galai lit la gun hpai sa wa na Wa Jau Paul Tiwa Zau Shan hpe lit shatsam ap ya ai lam mung galaw lai wa sai.
