HTAI YA AI WA – Wa Jau Dr. Joseph Gawlu Yung Wa

GA San – Anhte hpung masha ni nat jaw jan tai mat wa nna dai nta ni a tawn kaw nat hpe tawn jaw ai namsi namsaw ni malu masha ni hpe anhte hpung masha ni sha yang mara lu na kun?

Htai – Dai malu masha ni a matu, Karai kasang hpe chyeju dum akyu hpyi ap nawng nna sha mai ai.  Raitim, nat jaw hpawng hkan poi galaw ai shara hkan makam masham naw hkalung ai ni myit n kataw na matu, shanhte a man hkan n sha ga.

San Ai Wa – Shawng de Zaubung mare e nga lai wa nna, ya, Loije kaw shanu nga ai Roselin Labya Bawk Htoi

Ga San 2 – Missa hpyi ai alu sumbu hte seng nna, Missa langai kaw Missa hpyi ai alu sumbu gade law tim, Missa nawng ya ai Jau hte sha seng ai kun? Shing n rai Tara Hkaw Sara /Mama zawn re ni hpe garan jaw mai ai kun?

Nawku Hpung a Canon tara matsun hta gaw: Missa Hkungga nawng ya na matu Hpung masha ni alu jaw nna hpyi ai a yaw shada lam gaw, Jau ni hpe madi shadaw na matu, grau nna matsan yak hkak ai shara hkan magam gun nga ai Jau ni hpe madi shadaw na matu rai nga ai.  Dai majaw, Jau ni a matu sha rai nga ai.

Dai Missa alu ni hpe jaw ang ai hku, htaphtuk akyu rawng ai hku asung jashawn lu na matu Ginwang Up saradaw the mungdan ting na Saradaw ni a zuphpawng kaw nna lam matsun ai lam nga malu ai.

San Ai Wa – Lai wa sai ten, Dingsing Jau Aseng, Lahtaw Hka Pra Lawk (2) nga lai wa nna, ya, Mandalay St. John Jau Gyinwang kaw shanu nga ai, Jan Teresa Myitung Seng Bu