Htai Ya Ai Wa – Wa Jau Dr. Joseph Gawlu Yung Wa

Ga San  – Anhte RC de na shaman ntsin hpe kaga hpu nau ni lama hpyi wa yang, mai jaw na kun?

 Htai – Kahtawlik Nawku Hpung hta, Madu Yesu shabyin da ya ai mu mada lu ai chyeju kumla (7) nga ai; kam sham ai hpung masha shagu gaw, dai chyeju kumla ni hku nna chyeju ni hpe dantawk hkam la ma ai.

Bai, hpung masha ni dai chyeju ni hpe hkam la lu hkra, myit masin wenyi hkumhkrang hpe hkyen lajang ya lu ai chyoi pra ai kumla ni hpe mung Nawku Hpung sharin ya ai; Inglik ga hku gaw sacramentals ngu nna shamying ai.

Ga shadawn, Wudang Masat, masha the arai ni hpe shaman ai, Nat hkyawt (gau ai) ai, lahput hputdi ai zawn re kumla ni rai nna; Shaman ntsin, du gali skapula, rosari, shaman dazik zawn re ai ni rai nga ai. Ndai ni gaw, masha hpe chyeju dantawk jaw ya ai n rai; masha ni hpe Karai Kasang kaw na chyeju ni hpe hkam la lu hkra, Karai kasang hta myit maju jung nga na matu garum ya ai.  Masha a wenyi sak hkrung lam jasan jaseng shachyoi shapra ya ai.  Chyeju Kumla (7) hpe hkam la lu hkran hkyen lajang ya ai.  Tinang a makam masham hpe shadum ya nga ai.

Ga shadawn – Shaman ntsin gaw anhte hkam la sai Kashin Kamun Chyeju the anhte tawn da sai ga shaka ni hpe myit dum shangun ai.

Marai hkum shagu a prat hta Hkristu a shamai shatsai ya ai, jasan jaseng ya lu ai atsam hpe matut manoi byin shangun ai.  Hkristan shagu akyu jashawng hkam la na sut nga ai.

San Ai Wa –    Laiza Jau ginwang, Jeyang kaw shanu nga ai Benedet Nhkum Doi San: