( Youth Program, 2026 )
Asum Jaw Kau Na Matu Myit Hkum Tin
Hkrun lam galu hkawm sa ra na, sak prat hkrun lam hta, gam nkaja ai lam, dip n gun nkau ni hte hkrum wa shagu, madu hkum madu asum jaw kau na myit nau nmai tin ai, tsam pu tsam ba hkrat sum mat shagu nhkrat sum mat ai zawn, myt sawn yu nga ai ngu shagu mung lam dam mat ai lam nrai nga ai, shut ai lam ni gaw tinang gaw kadai rai ngu ai hpe daw dan ya ai lam nrai ai majaw, bra chyam mat sai hkam jan lam ni hpe bai gahkin la nna, hpang kalang bai shakut galaw dat u, mai kaja ai ningmu kaja mu mada lam ni hpe myit masin hta bang da let, hkam jan lu yang, gam kaja ai lam ni gaw du wa lu na rai nga ai, dai hta shi lang mi kataw tim, mang hkang nnga nga ai kalang kataw ngut yang bai rawt tsap nlu ai masha wa nbyin nga ding sang gaw, tinang gaw masha malawng maga hta, grau myit marai ngang gring nga sai ngu ai hpe bawnu myit masin hta bang da ra na rai nga ai.
Bai asum jaw kau na matu, jahpai jarang na lam galoi mung nga nga ai re, tsawra ai ramma ni, nbung laru ni hpe hkam jan nna, hkrun lam hkawm sa ai na wa yang, sin kaw ni machyi wa ai, hkam sharang ai lam ni htum wa ai, ndai aten hta nkau ni gaw yup mang shingran ni hpe asum jaw kau dat ai, tinang a labau e jaw ai lit magam gaw, rawt jat na lam teng nga yang, matut hkawm sa na lam yan hpe tam nan tam na ra nga ai, dai ni na machyi ai lam ni gaw hpawt ni na matu, arawng la hpa ni byin wa na rai nga ai dai shingwang kata matu nga sa na lata lu ai tinang a daw dan ai lam gaw htawm hpang prat a matu grai nan lachyum rawng wa lu na rai nga ai
Ndai lam ni yawng gaw chyang mang nga ai hkrun lam hta, matut hkawm sa na kun? Hpang de bai hting nut mat na kun ngu ai a ntsa, madung rai wa nga ai, dai hta hkrun lam gaw loi yang kaja na re hpe myit mada nga na rai nga ai raitim, rawt jat ai lam ngu ai hpe gaw, gasat la ra ai, jaw da ai ga sadi ni grin ra ai, dai daw dan ngut yang byin hkra galaw ra nga ai rai nga ai, dai lam ni chyu sha lu la wa ai mahtai shagu hpe dwi ai namchyim jaw ya lu na rai nga ai dai majaw tsawra ai ramma ni lamana, lam yan masa hpe mu tam lu wa yang, hpa mi byin byim jahtum du hkra hkawm sa na matu ra nga saga ai, ban dung gaw du na kun ngu ai ga san nmai shaw ai, ahkyak ai gaw, awng dang ai chying hka nhpaw dingsa nmai htingnut wa ai sha, kahtap kahtap nna akawk gwi ai atsam nga na matu, sai salat ni hte rang let mai kaja dik shakut hkawm sa lu na matu sha nang ngai ramma ni hta ran ga ai ngu nna n gun jaw mayu ai.
Bai asum njaw kau ai sha, hkan jan lu magang awng dang na matu hkrak sha rai wa magang rai nga ai re, rawt jat na lam hkrun lam hta, ban dung du na matu myit hkum tsang nga, madung lam gaw asum njaw kau ai sha hkam jan lu ai hte pyi nang ngai dang lu na matu hkrak rai nga saga ai mung rai nga ai, tsaw ai shara de du lu na lam hta, sak jaw rang ra ai ni law nga ai majaw, malawng maga gaw asum jaw kau ai ni law nga ai dai majaw dai hta nang ngai ni shata kru laning mi, manga ning ram du hkra hkan jan shakut lu nga ai ai rai yang asum jaw kau na lam maga de yawm wa lu na mung rai nga ai dai zawn majan hpe kahtap kahtap dang wa lu nga sai ten, yup mang ni kaja byin wa ai ngu ai kam ai lam ni ngang kang wa ai dai ten yup mang ni hkrang ndawng wa shi tim, Mungkan ga a tsaw ai hkrat ai hkra machyi ai lam ni hpe tawt lai ngut ai hpang tinang gaw awng dang lam hte gin dan nga ai wa ngu hkrat rai wa lu nga sana mung rai nga ai, dai majaw tatut hta, tinang lu mayu ai htawm hpang awng dang lam ni hte tsang taw nga shi ai ten myit hkum daw, matut nang ngai hkam jan adawt lu nga ding sa gaw tinang sak jaw da ai lam ni gaw lani mi na ten lachyum rawng wa lu na re ngu hpe dawk bang da let shakut hkawm sa wa ga ngu n gun jaw mayu ai.
Bai yup mang shingran ni hpe mara hkum shagun, tsawra ai ramma ni madu hkum madu hpe nau wa hkyem sa jaw taw nga dingsa mung mi na hta rawt tsaw wa na gaw nrai nga ai, awng dang mayu yang, shana yup tung ten she yup ra ai shana ni mung ng ana, masha wa hkying hkum mi shakut yang, tinang gaw hkyinghkum lahkawng shakut lu ra nga ai, tsaw ai shara de du mayu yang, pyaw hpa lam ni hpe kabai tawn kau let,shakut shaja arang bang ra nga ai kade ram kaba ai hpun raitim shani shanang dan nga taw yang, ten ladaw langai mi hta gaw gala ulu nga ai, dai majaw ya nang lu mayu ai lam nlu shi ai ngu ai gaw nmai byin ai yup mang ni hpe nang shingran taw nga ai majaw mung nrai nga ai, dai yup mang ni hte gindan na matu tinang maga galaw grin ai magam lam ni hpe n galaw shi ai majaw mung rai nga ai mang hkang gaw ari ahpri re ai Mungkan a shingra tara lam ni nrai nga ai kaja wa a mang hkang gaw madu hkum madu nan rai nga chye ai hpe myit dum lu na matu shadum ya mayu ai dai majaw yup mang ni hpe mara n shagun shi yang, jam na hta madu hkum madu hpe shawng bai yu yu u, tinang a galaw shakut ai atsam ni hpe htam shi, shi manga daram bai tsaw lu hkra galaw shkut na ra nga ai, dai pyi mahtai kaja ni nmu lu shi yang Mungkan ga hpe myit htum mat chye ai, nlaw htum mi na raw sha ng anna lawt ga ni chyu tsun taw nga ai wa nbyin hkra nga ai atsam marai sai salat ni hte rang let kalang mi ram sha gaw shakut dat yu u ngu
#youth
#rvakachinservice
