HTAI YA AI WA – WA JAU DR. JOSEPH GAWLU YUNG WA
GA SAN – 1 Ngai akyu hpyi kade shakut tim, awng dang asin pye ai lam n nga ai, hpa majaw kun?
GA SAN – 2 – Bai langai myi gaw, hpung masha gaw rai, nawku jawng mung n chye sa, akyu mung n hpyi shakut ai ni, n hkru n kaja ai magam bungli galaw sha ai ni gaw bai lu su re hpe mu mada lu ai. Dai lahkawng a lapran hta hpa ni wa shai hkat ai kun?
HTAI Anhte hpyi ai hpe anhte n lu la ai gaw ndai lawnglam ni kaw na langai ngai a majaw rai na re; dai ni gaw – yaw shada lam shut ai, shut hpyit mara ni a matu n tawngban ai, ai n kam ai myit rawng ai, nang hpyi ai the na a matu kaja dik re ai lam n bung ai, rai nga ai.
Akyu hpyi ai a yaw shada lam gaw – anhte Karai Kasang the hku hkau kanawn mazum ai lam hpe gaw sharawt na matu, shi e lam madun ya ai hpe hkam la na matu, nang myit ai hpe Karai Kasang myit ra sharawng ai hpe shading sharai la na matu rai nga ai. Karai Kasang kaw na mahtai gaw – OK, shing nrai, No! N mai ai, shing nrai, aten rai n re ai, ngu ai ni rai nga ai.
Bai, lahkawng ngu na hta – makam masham la hta mung n shakut, n shawp n kap ai bungli ni hpe galaw ai ni gaw hpa majaw lu su nga mai awng dang ma ai kun ngu ai hpe htai ga, nga yang, lam amyu my nga chye ai:
Dai ni gaw – kaga masha ni hpe masu ai, mawsha mapsha ai, kyang lailen n kaja ai, sutgan ni hpe dantawk lu hkra hkan sa ra ai tara ni hpe tawt lai galaw ai, masha langai mi hkan sa ra ai shinggyim kyang lailen tara the makam masham sharin shaga ai tara ni hpe n hkan mayu ai, tawt lai ai hku tam mahkawng ai sutgan ni rai chye nga ai. Mungkan sutgan ngu ai gaw, aten kadun a matu sha rai nna, dai sutgan ni hpe Karai kasang a matu jaw ai hku n jai lang ai rai yang, jahtum e de a majaw jeyang dawdan ai hpe hkrum chye nga ai.
SAN AI WA – Momawk Jau Gyinwang, Goi Kahtawng, Zaibru Yang kaw nga nna, ya, sumtsan de hkawm nga ai Fransica Jangma Bawk Ja
